တောင်သာနယ် လေကြောင်းတိုက်ခိုက်မှု ငါးရက်အတွင်း ပြည်သူနှစ်ဦးသေဆုံး၊ စာရင်းမကောက်နိုင်သေး

မေ ၂၀၊၂၀၂၅/People’s Spring

မန္တလေးတိုင်း၊ တောင်သာမြို့နယ်မှာ စစ်ကောင်စီတပ်ရဲ့ လေကြောင်းတိုက်ခိုက်မှုကြောင့် ငါးရက်အတွင်းမှာ ပြည်သူ၂ဦးသေဆုံးပြီး စာရင်းတွေမကောက်ယူနိုင်သေးဘူးလို့ အဲဒီမြို့နယ်က လူ့အခွင့်အရေးတာဝန်ခံက ပြောပါတယ်။

၉/အညာ မြေစစ်ဆင်ရေးမှာ ပါဝင်ခဲ့တဲ့ တောင်သာမြို့နယ်ကို မေလ၁၅ရက်ကနေ ၁‌‌၉ရက်နေ့အထိ ငါးရက်အတွင်းမှာ စစ်ကောင်စီက Y12 ၊ဂျက်ဖိုက်တာ၊ စက်တပ်လေထီး (Paramotor) တွေနဲ့ ဗုံးကြဲတိုက်ခိုက်ခဲ့တာလို့ သိရပါတယ်။

မေလ ၁၈ရက်က ဗုံးကြဲတိုက်ခိုက်မှုမှာ ကျွန်းကျေးရွာက စစ်ဘေးရှောင်တစ်ဦးနဲ့ မေလ၁၉ရက် မနေ့က ဗုံးကြဲတိုက်ခိုက်မှုမှာ မြင်းတဲကျေးရွာက အမျိုးသမီးတစ်ဦးတို့ သေဆုံးခဲ့တာလို့ သိရပါတယ်။

Public Service Announcement

“စာရင်းမကောက် နိုင်သေးတာ တွေရှိတယ်။လေကြောင်းတိုက်တာတွေက များလွန်းတော့ ဘယ်‌နေ့တွေက သေမှန်းမသိဘူး။Paramotor နဲ့က ဆက်တိုက်ကြဲနေတာ”လို့ တောင်သာမြို့နယ် လူ့အခွင့်အရေး တာဝန်ခံက ပြောပါတယ်။

တောင်သာမြို့နယ်အတွင်းက ထနောင်းကုန်းပတ်လည်၊ကျွန်းရွာ၊မြင်းတဲ၊သန်းတန်းကျေးရွာတွေကို‌ လေကြောင်းကနေ ဗုံးကြဲတိုက်ခိုက်နေတာလို့ ဆိုပါတယ်။

ဒါ့အပြင် ပျူစောထီးအားကောင်းရာ ထနောင်းကုန်းရွာကို တော်လှန်ရေးတပ်တွေက မေလ၁၅ရက်ကနေ ၁၉ရက်အထိ တိုက်ခိုက်ခဲ့ပြီး ဒီနေ့မှာတော့ တိုက်ပွဲငြိမ်သက် နေတယ်လို့ သိရပါတယ်။