ကရင်တော်လှန်ရေးပူးပေါင်းတပ်ဖွဲ့တွေရဲ့ တိုက်ခိုက်မှုကြောင့် စစ်ကောင်စီတပ်ဖွဲ့ဝင် ၆၂ဦး ထိုင်းဘက်သို့ ထွက်ပြေးလာခဲ့တယ်လို့ Khaosod သတင်းဌာနက ဒီနေ့ ဖော်ပြပါတယ်။
စစ်ကောင်စီတပ်ဖွဲ့ဝင်တွေဟာ ထိုင်းဘက်ခြမ်းကို ဒီနေ့ ခိုလှုံခွင့်တောင်းခံခဲ့ပြီး လက်နက်ဖြုတ်သိမ်းခံခဲ့ရတယ်လို့ ထိုင်းသတင်းဌာန Khaosod က ဆိုပါတယ်။
စစ်ကောင်စီတပ်ဖွဲ့ဝင် ၆၂ဦးအနက် ၁၁ဦးမှာ ထိခိုက်ဒဏ်ရာရရှိပြီး ၄ဦးမှာ ပြင်းထန်ဒဏ်ရာရရှိတယ်လို့ သိရပါတယ်။ စစ်ကောင်စီတပ်ဖွဲ့ဝင် ၁၈ဦး သေဆုံးခဲ့တယ်လို့ ထိုင်းဘက်ခြမ်းသို့ ထွက်ပြေးလာသူတွေက ထွက်ဆိုတယ်လို့ သိရပါတယ်။
Public Service Announcement
တာ့ခ်ခရိုင် ဖော့ဖရာ့မြို့ ထိုင်းနယ်စပ်အနီးရှိ စစ်ကောင်စီရဲ့ ဘလယ်ဒိုတပ်စခန်းကို ကရင်တော်လှန်ရေးပူးပေါင်းတပ်ဖွဲ့တွေက မနေ့က တိုက်ခိုက်သိမ်းပိုက်ခဲ့ပါတယ်။
ဘလယ်ဒိုတပ်စခန်းသိမ်းပိုက်မှုမှာ တော်လှန်ရေးပူးပေါင်းတပ်က လက်နက်အလက် ၇၀ ကျော်၊ ခဲယမ်းများစွာနဲ့ စစ်သုံးပန်းတွေကို ဖမ်းမိခဲ့တယ်လို့ ကရင်သတင်းရင်းမြစ်က ပြောပါတယ်။
