ဇွန်-၁၀၊၂၀၂၅။ကဖေး/People’s Spring
ဖားကန့်ကို ရောက်ရှိလာပြီးနောက်ကျောက်စိမ်းလုပ်ကွက်အချို့ကိုဆက်တိုက် မီးရှို့ဖျက်ဆီးနေသည့် စစ်ကောင်စီတပ်က ဇွန် ၁၀ရက် နေ့လယ်ပိုင်းတွင်လည်း မှော်စီစာကျေးရွာရှိ ကျောက်စိမ်းလုပ်ကွက်တခုမှ စက်ယန္တရားများများကို မီးရှို့ဖျက်ဆီးသွားသည်။
ဦးဇော်နိုင်ဌေးဆိုသူပိုင် စက်ယန္တရားများကို မီးရှို့ဖျက်ဆီးခြင်းဖြစ်ပြီး ဝန်ထမ်းများက မီးငြှိမ်းသတ်နေသည်ကို လူမှုကွန်ရက်ပေါ်ပျံ့နှံလာသည့်ရုပ်သံ၌တွေ့ရသည်။
ကာမိုင်း – လုံးခင်း – ဖားကန့်လမ်းအတိုင်း ဧပြီလ ၂၃ရက်က ဝင်လာသည့်စစ်ကောင်စီစစ်ကြောင်းသည် မေလ ၂၇ရက်၌ လုံးခင်းယမ်းချက်စက်ရုံသို့ရောက်ရှိလာသည်။ ၎င်းတို့အားတိုက်ခိုက်ပါက နေအိမ်များအားမီးရှို့မည်ဟုခြိမ်းခြောက်ခဲ့သည်။
Public Service Announcement
မေလ ၂၉ရက် နေ့လယ်ပိုင်းတွင်ဖားကန့်သို့ရောက် ရှိလာကာ ကျောက်စိမ်းမှော်ဝန်းကျင်တွင် စစ်ကြောင်းထိုးရန်ကြိုးစားခဲ့သည်။ KIAနှင့် KPDF တပ်စွဲထားသည့်နေရာများကိုလည်း ဖယ်ရှားရန် ဖိအားပေးပြီး ကျောက်စိမ်းလုပ်ကွက်အချို့ကိုလည်းမီးရှို့ဖျက်ဆီးခဲ့သည်။
“အရပ်သားပြည်သူတွေအပေါ်ကိုဒီလိုသာအကြမ်းဖက်နေရင် KIAနဲ့ KPDFက တိုက်လိမ့်မယ်။ တိုက်ပွဲတွေပြင်းပြင်းထန်ထန်ဖြစ်လာလိမ့်မယ်”ဟုဒေသခံတစ်ဦးကပြောသည်။
စစ်ကောင်စီစစ်ကြောင်းကို KIA နှင့် KPDF ပူးပေါင်းတပ်က ဇွန်လ ၅ရက်ကတိုက်ခိုက်ပြီးနောက် တိုက်ပွဲများငြိမ်သက်နေရာမှဇွန်လ ၉ရက်နှင့်ယနေ့ ၂ရက်ဆက်တိုက်ပွဲဖြစ်ခဲ့သည်။ တိုက်ပွဲအတွင်း စစ်ကောင်စီဘက်မှ ၁၈ဦးထက်မနည်းသေဆုံးကြောင်း KIA၊ KPDF နှင့်နီးစပ်သူကပြောသည်။
လက်ရှိဒေသတွင်းစစ်ရေးအခြေအနေအရ အရပ်သားပြည်သူများအနေဖြင့်ည ၉နာရီမှမနက် ၄နာရီအတွင်း ပြင်ပသို့မထွက်ရန်၊ စစ်ကောင်စီစစ်ကြောင်းများအန္တရာယ်ကိုသတိပြုကြရန် KIA၊PDF ပူးပေါင်းတပ်က သတိပေးထားသည်။
https://www.facebook.com/LuduNwayOo/videos/706390852352036
Video – Padang Shingni/Facebook
