ဇွန်၁၉၊၂၀၂၅။ရှိန်း/People’s Spring
စစ်ကိုင်းတိုင်း၊ပုလဲမြို့နယ်၊ကန့်ဒေါင့်ရွာနယ်မြေရဲစခန်းကို ဒီနေ့မနက်ပိုင်းမှာ အပြီးသတ်သိမ်းယူနိုင်ခဲ့တယ်လို့ ပြည်သူ့လွတ်မြောက် ရေးတပ်မ တော်(PLA)ကထုတ်ပြန်လိုက်ပါတယ်။
မဟာမိတ်တပ်ပေါင်းစုနဲ့ PLAတပ် ပူးပေါင်းကာ ဇွန်လ၁၉ရက် နေ့၊ဒီနေ့မနက် ၆နာရီ ၄၀မိနစ်မှာ သိမ်းယူနိုင်ခဲ့တယ်လို့ ထုတ်ပြန်ချက်မှာ ဖော်ပြထားပါတယ်။အသေးစိတ်အချက်အလက်ကို တော့ထပ်မံထုတ်ပြန်သွားမယ်လို့ဆိုပါတယ်။
ကန့်ဒေါင့်ရွာနယ်မြေရဲစခန်းကိုဇွန်လ၂ရက်နေ့ကတည်းက PLAတပ်ဖွဲ့က ဦးဆောင်တိုက်ခိုက် နေပြီး ဇွန် ၁၈ ရက်နေ့အထိ စစ်တပ်က အနီးနားက အင်မထီးပျူစောထီးရွာက နေတဆင့် အင်အားတိုးဖို့လုပ် ဆောင်ခဲ့တယ်လို့သိရပါတယ်။
Public Service Announcement
ဒါ့အပြင်မနေ့ကတိုက်ပွဲပြင်းထန်ချိန်မှာလည်း စစ်တပ်က လေယာဉ်နဲ့ တရစပ်ဗုံးကြဲတိုက်ခိုက်တာ တွေပြုလုပ်ခဲ့တယ်လို့ တော်လှန်ရေးတပ်တွေ ဆီကသိရပါတယ်။
ပြည်သူ့လွတ်မြောက်ရေးတပ်မ တော်(PLA)ဦး ဆောင်ပြီး ဇွန်လ၂ရက်နေ့က ပုလဲမြို့နယ် ၊ကန့်ဒေါင့်ရွာ နယ်မြေရဲစခန်းကို တိုက်ခိုက် နေတာပါ။ PLA က ကန့်ဒေါင့်ရဲစခန်းကိုထိုးစစ်ဆင်တိုက်ခိုက်ချိန်မှာ အခြားတော်လှန်ရေးတပ်တွေက စစ်တပ်ရဲ့စစ်ကူလာတဲ့ စစ်ကြောင်းတွေကို ဖြတ်တောက်တိုက်ခိုက်နေတာပါ ။
ကန်ဒေါင့်ရဲစခန်းဟာ ပုလဲမြို့ကနေ မကွေးတိုင်း ဂန့်ဂေါမြို့ကိုသွားတဲ့ လမ်းပိုင်းပေါ်မှာရှိပြီး ပုလဲမြို့နဲ့ (၁၄)မိုင်ကွာဝေးပါတယ်။ အဲဒီကျေးရွာက နယ်မြေရဲစခန်းကို စစ်ကောင်စီက တပ်စွဲပြီး အခိုင်အမာပြုလုပ်ထားတဲ့ စခန်းဖြစ်ကာ အင်အား ၁၀၀ခန့်ရှိနေတယ်လို့ PLAရဲ့ပြောရေးဆိုခွင့်ရှိသူက ပြောပါတယ်။ရဲစခန်းဟာ ကန့်ဒေါင့်ရွာရဲ့အ ရှေ့ဘက်မှာရှိတာပါ။
ပုလဲမြို့နယ်ထဲက ပျူစောထီးရွာတွေထဲမှာအချက်အချကျလှတဲ့ စခန်းဖြစ်ပါတယ် ။ ဒါအပြင်ပုလဲမြို့နယ်က နာမည်ကြီး ပျူစောထီးရွာတွေဖြစ်တဲ့ အင်မထီး၊ဇီးဖြူ ကုန်းရွာ တွေနဲ့ တြိဂံပုံ တည်ရှိပြီး ဒီနယ် မြေကို တော်လှန်ရေး တပ်တွေ စိုးမိုးနိုင်ဖို့ အရေးပါတဲ့ စခန်းဖြစ်တယ်လို့ နယ် မြေကျွမ်းကျင်သူ တွေဆီကသိရပါတယ်။
