ဇူလိုင်-၄၊၂၀၂၅။ဇော်ရမ်း/People’s Spring
ဖားကန့်တွင်တိုက်ပွဲဆက်ပြင်းထန်နေပြီး အေးမြသာယာရပ်ကွက်အတွင်း စစ်ကောင်စီစစ်ကြောင်းဝင်လာ၍ဒေသခံများညတွင်းချင်း ထွက်ပြေးတိမ်းရှောင်နေကြသည်။
ဖားကန့်မြို့ဒေသအခေါ် အမှိုက်ပုံနေရာတွင်ယခင်ရက်ကတိုက်ပွဲအပြင်းအထန်ဖြစ်ခဲ့ပြီးဇူလိူင်၄ ရက်တွင်စစ်ကောင်စီထိန်းချုပ်သွားပြီဟု ဒေသခံများကပြောသည်။
“စစ်ကောင်စီစစ်ကြောင်းတွေဖားကန့်မြို့ထဲအထိစဝင်လာပြီ။အေးမြသာယာရပ်ကွက်ကလူတွေ ညတွင်းချင်းထွက်ပြေးရတာပါ။ စစ်ကောင်စီဆက်ဝင်လာရင် မြို့ထဲက ဒေသခံတွေလည်းနေလို့ရမှာမဟုတ်တော့ဘူး”ဟုဖားကန့်ဒေသခံတဦးကပြောသည်။
Public Service Announcement
စစ်တပ်စစ်ကြောင်းဝင်လာ၍ ဖားကန့်မှ ဒေသခံများ ဇူလိုင် ၄ ရက်ညတွင်ထွက်ပြေးတိမ်းရှောင်နေကြစဥ်။ဓါတ်ပုံ-CJ 
စစ်တပ်စစ်ကြောင်းဝင်လာ၍ ဖားကန့်မှ ဒေသခံများ ဇူလိုင် ၄ ရက်ညတွင်ထွက်ပြေးတိမ်းရှောင်နေကြစဥ်။ဓါတ်ပုံ-CJ 
စစ်တပ်စစ်ကြောင်းဝင်လာ၍ ဖားကန့်မှ ဒေသခံများ ဇူလိုင် ၄ ရက်ညတွင်ထွက်ပြေးတိမ်းရှောင်နေကြစဥ်။ဓါတ်ပုံ-CJ
အေးမြသာယာရပ်ကွက်မှဒေသခံများသည် မမုံရွာဘက်သို့ခြေလျင်၊ဆိုင်ကယ်၊စက်လှေများဖြင့်ထွက်ပြေးလာခဲ့ကြခြင်းဖြစ်သည်။
ဇူလိုင်လ၂ရက်ည၌ တိုက်ပွဲတွင်ဆွတ်ဘွမ်ရွာအတွင်း နေအိမ်တစ်လုံးပေါ်သို့ လက်နက်ကြီး ကျရောက်ပေါက်ကွဲပြီး အရပ်သားနှစ်ဦး သေဆုံးကာ ၁၁ ဦး ဒဏ်ရာရရှိခဲ့သည်။ ဇူလိုင် ၄ ရက်တိုက်ပွဲတွင်လည်း အရပ်သားသုံးဦး ထိခိုက်ခဲ့ကြောင်း သတင်းရရှိသည်။
ဖားကန့်တွင် စစ်ကောင်စီစစ်ကြောင်းများ လှုပ်ရှားမှုရှိနေ၍ တိုက်ပွဲဆက်လက်ဖြစ်ပွားနိုင်ပြီး ဒေသခံပြည်သူများအနေဖြင့် လုံခြုံရေးသတိပြုနေထိုင်ကြရန် ကချင်လွတ်လပ်ရေးတပ်မတော်(KIA)ပြောရေးဆိုခွင့်ရှိသူ ဗိုလ်မှူးကြီးနော်ဘူက သတိပေးထားသည်။
KIA၊KPDFအနေဖြင့် စစ်ကောင်စီစစ်ကြောင်းများကို ထိထိမိမိဟန့်တားနိုင်ရန်လိုအပ်နေကြောင်းဒေသတွင်းစစ်ရေးလေ့လာသူများကဝေဖန်နေသည်။
