ဇူလိုင်-၂၂၊၂၀၂၅။ရဲခေါင်/People’s Spring
စစ်ကောင်စီ၏ ကာမီကာဇေ အသေခံဒရုန်းတစ်စီး ထိုင်းနိုင်ငံဘက် ယနေ့(ဇူလိုင် ၂၂ ရက်)တွင် ပျက်ကျခဲ့ကြောင်း ထိုင်းမတိချွန်သတင်းဌာနက ဖော်ပြသည်။
တာ့ခ်ခရိုင်၊ထာဆောင်ယောင်မြို့နယ်၊ ထာ့ဆောင်ယောင် ကျေးရွာအုပ်စု၊ ခွန်မယ်ဝဲရွာအနီး တောအုပ်တစ်ခုတွင် စစ်တပ်၏ ကာမီကာဇေဒရုန်းကို တွေ့ရှိခဲ့ခြင်းဟုဓါတ်ပုံများနှင့်တကွဖော်ပြသည်။
ထိုင်းစစ်တပ်၏တပ်ဖွဲ့အမှတ် (၃၅) က စစ်ဆေးနေပြီး ဒရုန်းတွင် ဘက်ထရီ တစ် လုံး၊ မော်တာအင် ဂျင်အထောက်ခံအပိုပစ္စည်း တစ်ခုနှင့် ဦးဘက်တွင်ဓာတ်ငွေ့ဘူး (ဗုံးခေါင်းဟုခန့်မှန်း) တပ်ဆင်ထား ကို ကနဦးတွေ့ရှိကြောင်း အသိပေးသည်။
Public Service Announcement
ထိုင်းနိုင်ငံဘက်ပျက်ကျခဲ့သော ဒရုန်းကိုတွေ့ရစဥ်။ ဓါတ်ပုံ-AEC ထိုင်းနိုင်ငံဘက်ပျက်ကျခဲ့သော ဒရုန်းကိုတွေ့ရစဥ်။ ဓါတ်ပုံ-AEC ထိုင်းနိုင်ငံဘက်ပျက်ကျခဲ့သော ဒရုန်းကိုတွေ့ရစဥ်။ ဓါတ်ပုံ-AEC ထိုင်းနိုင်ငံဘက်ပျက်ကျခဲ့သော ဒရုန်းကိုတွေ့ရစဥ်။ ဓါတ်ပုံ-AEC ထိုင်းနိုင်ငံဘက်ပျက်ကျခဲ့သော ဒရုန်းကိုတွေ့ရစဥ်။ ဓါတ်ပုံ-AEC ထိုင်းနိုင်ငံဘက်ပျက်ကျခဲ့သော ဒရုန်းကိုတွေ့ရစဥ်။ ဓါတ်ပုံ-AEC
ဒရုန်းကျသည့်နေရာကို အန္တရာယ်ရှိသောဇုန် ဟု အမှတ်အသားချသတ်မှတ်ထားပြီး ဒေသခံရွာသူရွာသားများကိုသတိပေးထားသည်။ တွေ့ရှိခဲ့သည့် ဒရုန်းနှင့်ဆက် စပ်၍ စစ်ဆင်ရေးဌာနချုပ် သို့ ပို့ဆောင်ထားပြီး ထိုင်းစစ်တပ်က ဆက်လက်စစ်ဆေးသွားမည်ဟု သိရသည်။
လက်ရှိတွင် အဆိုပါဒရုန်းသည်မြန်မာစစ်တပ်ပိုင်ဖြစ်ကြောင်း ထိုင်းစစ်တပ်က ခန့်မှန်ထားပြီး ယခုနှစ် ဧပြီ လနှင့် မတ်လအတွင်းက KNU တပ်မဟာ ၇ စခန်းအနီး ဗုံး ကြဲခဲ့သည့် ဒရုန်းအမျိုးအစားနှင့် ထပ်တူကျနိုင်ကြောင်း ဖော်ပြသည်။
အဆိုပါဒရုန်းသည် KNU/KNLA၏ ခွန်မယ်ဝဲရွာတော်ဘက်တိုက်ရန် ရည်ရွယ်မှုရှိသော်လည်း ပစ်မှတ်မှလွဲ၍ ထိုင်းနယ်မြေအတွင်းသို့ ကျလာခဲ့သည်ဟုလည်း ထိုင်းစစ်တပ်က သုံးသပ်ထားသည်။
မြဝတီမြို့တောင်ဘက်၌ မြန်မာ-ထိုင်းနယ်စပ်တွင် စစ်တပ်၏ နှစ်ခုတည်းကျန်သည့်ဝေါလေဗျူဟာ နှင့် တီသဲလယ်ကာကင်းစခန်းမကျအောင် စစ်တပ်က တိုက်လေယာဥ် နှင့် Y-12 လေယာဥ်သုံး၍ ဗုံးကြဲခဲ့သလို ဇူလိုင် ၁၃ ရက်တွင် ကာမီကာဇေ အသေခံဒရုန်းများဖြင့် ဗုံးကြဲခဲ့သည်။
မတ်လခန့်မှစ၍ KNU/KNLA တပ်ဖွဲ့၏ စစ်ရေးဦးဆောင်မှုနှင့်အတူ PDF ၊ KNDO စသောပူးပေါင်းတပ်ဖွဲ့များက တောင်းပိုင်းစစ်မျက်နှာတစ်လုံးရှိ အ ကြမ်းဖက်စစ်ကောင် စီ တပ်စခန်းများအားလုံးကို ထိုးစစ်ဆင်တိုက်ခိုက်ခဲ့သည်။
မြန်မာ-ထိုင်းနယ်စပ်တလျှောက်တွင် KNU တပ်မဟာ ၇၊၆ ၊၄ ရှိစစ်တပ်စခန်းများကိုဆက်တိုက်သိမ်းပိုက်နေသည်။ စစ်ကောင်စီ၏ပူးလူးတူ၊ ခလယ့်ဒေး၊ တခေါဘီခွီး၊ မော်ဖားသူးစခန်း ၊တာလယ်စခန်းများ၊ မယ်လ၊ ဘလက်ဒို၊ မော်ခီး၊ ဘုရင့်နောင်စခန်းကုန်း၊ ကနဲလေးစခန်းနှင့် ရွှေအေးမြိုင်တပ်စခန်းများကိုဆက်တိုက်သိမ်းပိုက်ခဲ့သည်။ ဇွန်လ ၃ ရက်နေ့တွင် သေ့ဘောဘိုးစခန်း၊ ဇွန်လ ၂၂ ရက်နေ့တွင် ထီးကပလယ်စခန်း၊ ဇူလိုင်လ ၁၂ ရက်နေ့တွင် ဥကရစ်ထစခန်းတို့ကို ဆက်တိုက် ထိုးစစ်ဆင်သိမ်းပိုက်ထားပြီး ယခုအခါနယ်စပ်တွင် စစ်တပ်စခန်းအနည်းငယ်သာကျန်တော့သည်။
