ဇူလိုင်-၂၄၊၂၀၂၅။People’s Spring
ပြည်သူ့ကာကွယ်ရေးတပ်မတော်(မန္တလေး) နှင့် မိတ်ဖက်မဟာမိတ်တပ်ဖွဲ့များက ထိန်းချုပ်ထားသော မန္တလေးမြို့အနီးရှိ ရွာသုံးရွာကို စစ်ကောင်စီတပ်ကလေကြောင်း ၊ကြည်းကြောင်းသုံးတန်ပြန်ထိုးစစ်ဆင်လာ၍တိုက်ပွဲများဆက်လက်ဖြစ်ပွားခဲ့ပြီး စစ်တပ်ထံမှ လက်နက်ခဲယမ်းများ၊ ဒုဗျူဟာမှူးဟုယူဆရသော အရာရှိ ၁ ဦးအပါအဝင်စစ်သားအလောင်း ၇လောင်းထပ်မံသိမ်းဆည်းရရှိခဲ့သည်။
ထိုအပြင် တော်လှန်ရေးတပ်များထိန်းချုပ်သိမ်းပိုက်ထားသောမတ္တရာမြို့နယ်၊ထန်းပင်ကုန်းကျေးရွာ နှင့် ပုသိမ်ကြီးမြို့နယ် သရက်ကိုင်းကျေးရွာ၊ မြကန်သာကျေးရွာတို့အားစစ်တပ်မှတန်ပြန်ထိုးစစ်ဆင်လျက်ရှိသော်လည်းတော်လှန်ရေးတပ်ဖွဲ့များမှ အပြည့်အဝထိန်းချုပ်ထားဆဲဖြစ်သည်ဟု မန္တလေး PDF ကထုတ်ပြန်သည်။ အဆိုပါရွာများသည်မန္တလေးမြို့မြောက်ဘက်တွင်တည်ရှိပြီးမြို့နှင့် ၁၅ မိုင်ဝန်းကျင်အကွာ၌ရှိသည်။
တော်လှန်ရေးတပ်များသိမ်းဆည်းရရှိသောလက်နက်ခဲယမ်းများနှင့်စစ်သုံးပစ္စည်းများ။ ဓါတ်ပုံ-MDY-PDF တော်လှန်ရေးတပ်များသိမ်းဆည်းရရှိသောလက်နက်ခဲယမ်းများနှင့်စစ်သုံးပစ္စည်းများ။ ဓါတ်ပုံ-MDY-PDF တော်လှန်ရေးတပ်များသိမ်းဆည်းရရှိသောလက်နက်ခဲယမ်းများနှင့်စစ်သုံးပစ္စည်းများ။ ဓါတ်ပုံ-MDY-PDF တော်လှန်ရေးတပ်များသိမ်းဆည်းရရှိသောလက်နက်ခဲယမ်းများနှင့်စစ်သုံးပစ္စည်းများ။ ဓါတ်ပုံ-MDY-PDF တော်လှန်ရေးတပ်များသိမ်းဆည်းရရှိသောလက်နက်ခဲယမ်းများနှင့်စစ်သုံးပစ္စည်းများ။ ဓါတ်ပုံ-MDY-PDF
ဇူလိုင်လ ၂၁ ရက် မှ ဇူလိုင်လ၂၄ ရက်အတွင်း ဖြစ်ပွါးခဲ့သောတိုက်ပွဲများ နှင့် နယ်မြေရှင်းလင်းမှုများမှ လက်နက်ခဲယမ်းအချို့ ထပ်မံသိမ်းဆည်းရရှိခဲ့ပြီး DSA စစ်တက္ကသိုလ်အပတ်စဉ်(၅၄)ဆင်းဖြစ်သူ ဖြိုးကျော် (ဒု-ဗျူဟာမှူးဟု ယူဆရသူ) နှင့် အခြားစစ်သား ၆ ဦး၏ရုပ်အလောင်းများအား သိမ်းဆည်းရရှိခဲ့သည်ဟု ဓါတ်ပုံနှင့်တကွထုတ်ပြန်သည်။ သတင်းဓါတ်ပုံအပြည့်အစုံကို People’s Spring တယ်လီဂရန် ချန်နယ် https://t.me/PeopleSpring/83103?single တွင်ကြည့်ရှုနိုင်ပါသည်။
Public Service Announcement
ထူးခြားဖြစ်စဉ်အနေဖြင့် ၁၀၂၇ စစ်ဆင်ရေးတွင် လောက်ကိုင်၌လက်နက်ချခဲ့သော လောက်ကိုင်ဒကစ လက်အောက်ခံ ခလရ(၂၃၉)တပ်ရင်းသည် စစ်ကောင်စီ၏ ပုသိမ်ကြီးမြို့နယ်အတွင်း တန်ပြန်ထိုးစစ်တွင် ပါဝင်လာခဲ့ကြောင်း သိမ်းဆည်းရမိသောလက်နက်ခဲယမ်းများ၏ အမှတ်တံဆိပ်အရ သိရှိရကြောင်း မန္တလေး PDF က အသိပေးသည်။
တိုက်ပွဲများအတွင်း စစ်တပ်က ဇူလိုင်လ၂၀ရက်နေ့တွင် ဂျက်ဖိုက်တာ (၃)ကြိမ် နှင့် Y-12 (၁)ကြိမ် ၊ ဇူလိုင်လ ၂၁ရက်နေ့တွင် ဂျက်ဖိုက်တာ (၄)ကြိမ် ၊ Y-12 (၃)ကြိမ် နှင့် Mi-35 (၂)ကြိမ် ၊ ဇူလိုင်လ (၂၂)ရက်နေ့တွင် ဂျက်ဖိုက်တာ (၃)ကြိမ် ၊ Y-12 (၂) ကြိမ် နှင့် Mi-35 (၁)ကြိမ် နှင့် ဇူလိုင်လ (၂၃)ရက်နေ့တွင် ဂျက်ဖိုက်တာ (၁)ကြိမ် နှင့် Y-12 (၁)ကြိမ် အသုံးပြု ဗုံးကြဲချတိုက်ခိုက်ခဲ့ကာ ပြင်းပြင်းထန်ထန် တုံ့ပြန်လာခဲ့သည်ဟုဖော်ပြသည်။
ပြည်သူ့ကာကွယ်ရေးတပ်မတော် (မန္တလေး)နှင့် မိတ်ဖက်မဟာမိတ်တပ်ဖွဲ့များသည် မည်သို့သော အခက်အခဲများနှင့် ဖိအားများရှိနေစေကာမူ မိမိတို့၏ ပန်းတိုင်သို့ မမှိတ်မသုန် ဆက်လက်ချီတက်သွားမည်ဖြစ်ပါကြောင်း အသိပေးထုတ်ပြန်အပ်ပါသည်ဟုဖော်ပြထားသည်။
အဆိုပါတိုက်ပွဲအတွက် စစ်တပ်က လက်နက်ကြီးပစ်ကူဖြင့် အချက်ရေများစွာပစ်ခတ်နေရာ မန္တလေးမြို့အတွင်းမှာကြားရကြောင်းလည်းဒေသခံများကပြောသည်။ထို့အပြင် မြင်းခြံမြို့နယ်မှ ပျူစောထီးများအပါအဝင် စစ်ကူများဆက်တိုက်စေလွှတ်နေကြောင်းစုံစမ်းသိရသည်။
အထက်ပါ ရွာသုံးရွာရှိ စစ်တပ်စခန်းများသည် မတ္တရာမြို့နယ် အရှေ့ခြမ်းနှင့် မတ္တရာ-မန္တလေးလမ်းကိုစစ်တပ်ကပြန်ထိန်းချုပ်နိုင်ရန် ၂၀၂၄ နှစ်ကုန်မှစ၍ ထိုးစစ်ဆင်နေသော စစ်ဆင်ရေး၏နောက်တန်းစခန်းများဖြစ်ကြောင်းစုံစမ်းသိရသည်။ထိုစခန်းများကို PDF များက ဇူလိုင်လ (၂၀)ရက်နေ့တွင်သိမ်းပိုက်ခဲ့ရာ တရုတ်နိုင်ငံထုတ် ခဲယမ်းများစစ်သုံးပစ္စည်းများအပါအဝင် ဒရုန်းဂျန်ဘာကားတစ်စီ နှင့် လက်နက်ခဲယမ်းများစွာသိမ်းဆည်းရရှိခဲ့သည်။
ထိုအပြင် စစ်တပ်မှ အရာရှိအပါအဝင်စစ် သုံ့ပန်း(၁၆)ဦး ဖမ်းဆီးရရှိခဲ့ပြီး ရန်သူ့အလောင်း (၁၅) ခု သိမ်းဆည်းရမိခဲ့ကာ စစ်ကောင်စီဘက်မှ ထိခိုက်ဒဏ်ရာများရရှိသူများပြားခဲ့သည်။
အဆိုပါစစ်ဆင်ရေးအားပြည်သူ့ကာကွယ်ရေးတပ်မတော် (မန္တလေး)နှင့်အတူ မတ္တရာမျိုးမှန်တပ်ဖွဲ့ ၊ မတ္တရာမြို့နယ် ပကဖ နှင့် SSTF တပ်ဖွဲ့တို့မှ ပူးတွဲဖော်ဆောင်ခဲ့ခြင်းဖြစ်သည်။
