စစ်ကိုင်းတိုင်းကိုဖြတ်မယ့်ကားတွေစွယ်တော်ကားကွင်းမှာစစ်ဆေးရမယ့်အစီအစဥ်စစ်​ကောင်စီပြန်ရုတ်သိမ်း

ဇူလိုင်-၂၇၊၂၀၂၅။မေ/People Spring

စစ်ကိုင်းတိုင်းကိုဖြတ်သွားမယ့်ကားတွေကိုဩဂုတ်လ ၁ ရက်နေ့ကစပြီးစစ်ကိုင်းတံတားနဲ့ရွှေကြက်ယက်ဇက်ဆိပ်မှာသာ ယခင်ကလို ပြန်လည်စစ် ဆေးပြီးခွင့်ပြုပေးသွားမယ်လို့ ကားသမား တွေက​ပြောပါတယ်။

ဇူလိုင်လ၂၆ ရက်နေ့ကစပြီးစွယ်တော်ကားကွင်းမှာစစ်ဆေးပြီးခွင့်ပြုလက်မှတ်ပါမှဖြတ်သန်းရမယ်ဆိုတဲ့ အမိန့်ကိုစစ်တပ်က ထုတ်ထားရာက နေ ကားအစီး ရေထောင်ပေါင်းများစွာ ပိတ်မိခဲ့ပါတယ်။အဲဒီနောက် အခုလိုထပ်မံ ပြောင်းလဲလိုက်တာလို့ သိရပါတယ်။

“စွယ်တော်ကားကွင်းမှာ ပိတ်တဲ့ဒဏ်ကနေတော့ လွတ်သွားတာပေါ့ဗျာ။အဲဒီကားကွင်းမှာဆို ဧည့်စာရင်းတိုင်ခပေးရ၊ဟိုခပေးရ၊အိမ်ဆောက်ပစ္စည်းပါလို့ပေးရနဲ့။ပြီးရင်စစ်လည်းမပေး ၊ခွင့်ပြုလည်းမ ပေးနဲ့။ငွေပေးမှရတာ။အခုလည်း ဂိတ်မှာစစ်ပေမယ့် အဖမ်းအဆီးကကြမ်းအုံးမှာပဲ”လို့ ကားသမားတဦးက ပြောပါတယ်။

Public Service Announcement

စစ်ကိုင်းတိုင်းဘက်ကို သွားရောက်မယ့်ကုန်ကား တွေဟာ တိုင်းဒေသကြီး စစ်ဆေးရေး အဖွဲ့ရဲ့ခွင့်ပြုလက်မှတ်ပါရပြီး စစ်ကိုင်းဘက်ခြမ်းနဲ့ မန္တလေးဘက်ခြမ်း နေရာအကုန်လုံးကကုန်ပစ္စည်းတွေဖွင့် ဖောက်စစ်ဆေးဖမ်းဆီး နေတာလို့သိရပါတယ်။

“ယိုး‌‌ဒယားချည်ထည်ပါလို့စစ်ကိုင်းတံတားဂိတ်က ဖမ်းထားတာ။ကျွန်တော့ကား၃ ပါတ်လောက်ရှိပြီဗျာ။မလွတ်သေးပါဘူး”လို့ နောက်ထပ်ကားသမားတဦးက ပြောပါတယ်။

‌ဒါ့အပြင်အိမ်ဆောက်ပစ္စည်း၊ရေတွင်းတူးမယ့်ပိုက်လုံး ကအစသယ်ယူခွင့်မပေးဘူးလို့လည်းသူတို့က​ပြောပါတယ်။

ဖမ်းဆီးခံရတဲ့ကုန်ကားတွေဟာ ကားတန်ချိန်နဲ့ ကုန်ပစ္စည်း တွေအပေါ်မူတည်ပြီး ကျပ်သိန်းဆယ်ဂဏန်းက နေရာဂဏန်းအထိ စစ်​အုပ်စုကို​ပေးပြီးပြန်ရွေးယူနေရတာလို့ ​ငွေ​ပေး​ရွေးခဲ့ရသူအချို့က​ပြောပါတယ်။