'/%3E%3C/svg%3E){kind=small}
သြဂုတ်-၆၊ ၂၀၂၅။ရဲခေါင်/Peoples Spring
မန္တလေးတိုင်း၊နွားထိုးကြီးမြို့နယ်တွင် စစ်ကောင်စီတပ်သားများပါရှိသော ကားတစ်စီးအား တိုက်ခိုက်ရာ သုံးဦးသေဆုံးပြီး လက်နက် လေးလက်သိမ်းရကြောင်း မြင်းခြံခရိုင် အမှတ် (၄-၁၀) တပ်ရင်းက ယနေ့(ဩဂုတ် ၆ရက်) ထုတ်ပြန်သည်။
ယမန်နေ့(သြဂုတ် ၅ ရက်) နေ့လည် ၃နာရီခန့်တွင် နွားထိုးကြီးမြို့နယ် ၊ကနားကျေးရွာမှ ပြင်စည်ကျေးရွာသို့ မောင်းနှင်လာသည့် စစ်ကောင်စီတပ်သားများပါရှိသော ကားအား ကနား – ပြင်စည်လမ်းပိုင်းတနေရာတွင် ပြောက်ကျားနည်းဖြင့် ပစ်ခတ်တိုက်ခိုက်ခဲ့ခြင်းဟု ဖော်ပြသည်။
ထို့အပြင် ကားပေါ်ပါ စစ်ကောင်စီတပ်ဖွဲ့ဝင်ငါးဦးအနက် သုံးဦးသေဆုံးခဲ့ကာ နှစ်ဦးမှာ ထွက်ပြေးလွတ်မြောက်သွားကြောင်း အသိပေးသည်။
Public Service Announcement
“နယ်မရွေးဘူး ဘက်ချင်းတူရင် ကြိုက်ရာလက်နက်နဲ့ယှဉ်လို့ရတယ် အာသီးတော့မရောင်နဲ့ အကောင်သေးရင်နှစ်ကောင်ပေးတယ် အလုပ်နဲ့ပဲသက်သေပြမယ်”ဟု မြင်းခြံခရိုင် အမှတ် (၄-၁၀)တပ်ရင်း ဦးဆောင်သူ ကိုစိုးအောင်က ပြောသည်။
ထို့အပြင် ၎င်း၏ လူမှုကွန်ရက်မှတဆင့် တိုက်ပွဲမှတ်တမ်းဖော်ပြချက်အရ တိမ်းမှောက်နေသော ဟွန်ဒါ ကားအဖြူရောင်အနီးတွင် သေဆုံးနေသည့် အမျိုးသားနှစ်ဦးနှင့် စစ်တပ်သုံးကျည်ကာအကျီ အချို့ကို တွေ့ရသည်။
“ရင်း(၄)ကခွဲတွေ အလုပ်လုပ်တယ်ဆိုတာ ပြမယ်နော်။မီးရှို့မယ်။အလက်ပါလားကြည့်ဦး။ဖိုတီး(၄၀ မမ) ယူပြီးပြီ။မီးရှို့ဖို့လုပ်။ရင်း(၄)က ခွဲတွေ အလုပ်လုပ်တယ်ဆိုတာပြရမှာ”ဟု ရုပ်သံမှတ်တမ်းအတွင်း ရဲဘော်တချို့က ပြောသည်။
တိုက်ခိုက်မှုအတွင်း M-79 တစ်လက် ၊ MA-3 သုံးလက်နှင့် ကျည်များသိမ်းဆည်းနိုင်ခဲ့သည်ဟု ဆိုသည်။
ထို့အပြင် စစ်ကောင်စီတပ်ဖွဲ့ဝင်များ စီးနင်းလာသော ကားအား မီးရှို့ဖျက်ဆီးခဲ့ပြီး ရဲဘော်များ အထိအခိုက်မရှိ ဆုတ်ခွာနိုင်ခဲ့ကြောင်း သိရသည်။
