သြဂုတ်-၇၊ ၂၀၂၅။ သုည/People’s Spring
စစ်ကိုင်းတိုင်း ယင်းမာပင်ခရိုင် ဆားလင်းကြီးမြို့ဝင်ဆိုင်းဘုတ်နေရာတွင် ၅/ဆလကလူထုသပိတ် စစ်ကြောင်းဖော်ဆောင်ရေးကွန်ရက်နှင့် အာဏာရှင်တော်လှန်ရေး PDF တပ်ဖွဲ့တို့ပူးပေါင်းပြီး ၈.၈.၂၀၂၅ ရက်တွင် ကျရောက်မည့် ရှစ်လေးလုံးလူထုအရေးတော်ပုံ (၃၇) နှစ်ပြည့် အထိမ်းအမှတ် ထီးသပိတ်ကမ်ပိန်းကို ယနေ့ ပြုလုပ်ခဲ့သည်။
ထို့အပြင် ဆန္ဒပြပြည်သူများက “ မပြီးဆုံးသေးတဲ့ရှစ်လေးလုံး လူထုလွတ်မြောက်ရေးဒို့အတူရုန်း” ၊ “ ၈၈ကအချိုးတွေ ၂၁မှာလာမချိုးနဲ့” ကြွေးကြော်သံတို့ကို ကြွေးကြော်ပြီး ဆန္ဒဖော်ထုတ်ခဲ့ကြသည်။
ယခုလို လက်နက်ကိုင်တော်လှန်ရေးရဲဘော်များနှင့်သပိတ်ရဲဘော်များပူးပေါင်းပြုလုပ်ခြင်းသည် စစ်ရေး နိုင်ငံရေးအရှိန်မြှင့်ပြီး လက်တွဲညီညီဖြင့် နွေဦးတော်လှန်ရေးကြီးအောင်မြင်သည့်အထိ ပူးပေါင်းတိုက်ပွဲဝင်သွားမည်ဖြစ်ကြောင်း ၅/ဆလကလူထုသပိတ် စစ်ကြောင်းက ဆိုသည်။
Public Service Announcement
