စက်တင်ဘာ-၁၁၊၂၀၂၅။ဇေအောင်/People’s Spring
မန္တလေးတိုင်း၊သပိတ်ကျင်းမြို့နယ်ထဲက ရွာ၂ရွာကို စစ်တပ်ကလေကြောင်း နဲ့ လက်နက်ကြီးတွေနဲ့ ပစ်ခတ်တိုက်ခိုက်လို့ ပြည်သူ ၅ ဦး သေဆုံးပြီး ၄ ဦး ဒဏ်ရာရရှိခဲ့ပါတယ်။
စက်တင်ဘာ ၁၁ ရက်၊မွန်းလွဲ၃ နာရီ ၁၅ မိနစ်ခန့်ကသပိတ်ကျင်းမြို့နယ်၊ကမ်းပါးနီကျေးရွာကိုစစ်ကောင်စီတပ်က တိုက်ပွဲဖြစ်ပွါးခြင်းမရှိဘဲ လေကြောင်းတိုက်ခိုက်ခဲ့ကြောင်း၊လေကြောင်းတိုက်ခိုက်မှုကြောင့် ကမ်းပါနီကျေးရွာရှိ ပြည်သူ ၃ ဦး သေဆုံးပြီး ၄ ဦး ထိခိုက်ဒဏ်ရာရရှိခဲ့ကြောင်း ပြည်သူ့ကာကွယ်ရေးတပ်မတော်(မန္တလေး)က ထုတ်ပြန်ပါတယ်။
လေကြောင်းနဲ့ လက်နက်ကြီးနဲ့တိုက်ခိုက်မှုတွေကြောင့် အပျက်အစီးတွေကိုတွေ့ရစဥ်။ ဓာတ်ပုံ-MDY PDF လေကြောင်းနဲ့ လက်နက်ကြီးနဲ့တိုက်ခိုက်မှုတွေကြောင့် အပျက်အစီးတွေကိုတွေ့ရစဥ်။ ဓာတ်ပုံ-MDY PDF လေကြောင်းနဲ့ လက်နက်ကြီးနဲ့တိုက်ခိုက်မှုတွေကြောင့် အပျက်အစီးတွေကိုတွေ့ရစဥ်။ ဓာတ်ပုံ-MDY PDF လေကြောင်းနဲ့ လက်နက်ကြီးနဲ့တိုက်ခိုက်မှုတွေကြောင့် အပျက်အစီးတွေကိုတွေ့ရစဥ်။ ဓာတ်ပုံ-MDY PDF လေကြောင်းနဲ့ လက်နက်ကြီးနဲ့တိုက်ခိုက်မှုတွေကြောင့် အပျက်အစီးတွေကိုတွေ့ရစဥ်။ ဓာတ်ပုံ-MDY PDF
ဒါ့အပြင် ဒီကနေ့ ညနေ ၅ နာရီခွဲခန့်ကလည်း စစ်တပ်ပစ်ခတ်လိုက်တဲ့ လက်နက်ကြီးကျည်ဟာ သပိတ်ကျင်းမြို့နယ်၊ ဇရပ်ကွင်းကျေးရွာရှိ လူနေရပ်ကွက်အတွင်းသို့ ကျရောက်ပေါက်ကွဲခဲ့တာကြောင့်ပြည်သူ ၂ ဦး သေဆုံးခဲ့တယ်လို့ မန္တလေး PDF ကထပ်မံအသိပေးပါတယ်။
Public Service Announcement
စက်တင်ဘာ ၉ ရက်ကလည်း သပိတ်ကျင်းမြို့နယ်၊ ဇရပ်ကွင်းကျေးရွာစာသင်ကျောင်းကို စစ်တပ်က လေကြောင်းတိုက်ခိုက်ခဲ့လို့ ပြည်သူ ထိခိုက်မှု မရှိခဲ့ပေမဲ့ စာသင်ကျောင်း အဆောင်များ ပျက်စီးခဲ့ပါတယ်။
စက်တင်ဘာ ၇ ရက်ကလည်းသပိတ်ကျင်းမြို့နယ်၊ ကျောက်ဖြူကျေးရွာမှာ စာသင်တဲ့အိမ်စစ်တပ်က လေကြောင်းတိုက်ခိုက်လို့ ဆယ်နှစ်သား ကလေး ၁ ဦးသေဆုံးပြီး ကလေးငယ် ၅ ဦးအပါအဝင် ပြည်သူ ၇ ဦး ထိခိုက်ဒဏ်ရာရရှိခဲ့ပါတယ်။
စစ်ကောင်စီတပ်ဟာ ကာကွယ်ရေးအဖွဲ့တွေ စိုးမိုးထားတဲ့ မိုးကုတ်-မန္တလေးလမ်းပိုင်းတလျှောက် သပိတ်ကျင်း၊ စဥ့်ကူး၊ မတ္တရာလမ်းပိုင်းကို ပြန်လည်စိုးမိုးဖို့ ကြိုးစားနေပြီး လေကြောင်းတိုက်ခိုက်မှုတွေဆက်တိုက် ပြုလုပ်နေပါတယ်။
