စက်တင်ဘာ−၁၁၊ ၂၀၂၅။ဇေအောင်/People’s Spring
မကွေးတိုင်း၊ ပေါက်မြို့နယ်အခြေစိုက် Rocket Figherတပ်ဖွဲ့ရဲ့ ခဲယမ်းသိုလှောင်စခန်း မီးလောင် ပေါက်ကွဲပြီး ကျပ်သိန်း ၅၀၀ဖိုးခန့် ဆုံးရှုံးသွားခဲ့ပါတယ်။
ပြီးခဲ့တဲ့ စက်တင်ဘာ ၉ ရက် နေ့လယ် ၁၂ နာရီခန့်က ပေါက်မြို့နယ်အခြေစိုက် Rocket Figher တပ်ဖွဲ့ရဲ့ ခဲယမ်းသိုလှောင်ခန်းတခု ပေါက်ကွဲခဲ့ပြီး လူထိခိုက်မှုမရှိဘူးလို့ အဲဒီတပ်ဖွဲ့ရဲ့ တာဝန်ခံ ကိုလပြည့်က ပြောပါတယ်။
“ဗုံးသီးတွေ သူအလိုလို ပေါက်ကွဲမှု ဖြစ်ခဲ့တာပါ။ ကျည်ကာဦးထုပ်၊ အီကွေးမန့်၊ ယူနီဖောင်း၊ သေနတ်၊ ဗုံးသီးအချို့နဲ့ အခြားစစ်အသုံးအဆောင်ပစ္စည်းတော်တော်များများပါသွားပါတယ်”လို့ ၎င်းကဆိုပါတယ်။
Public Service Announcement
မီးလောင်ကျွမ်းမှုကြောင့် ပျက်စီးခဲ့သည့် ခဲယမ်းနှင့် စစ်အသုံးအဆောင် ပစ္စည်းများအား တွေ့ရစဥ်။ ဓာတ်ပုံ − Rocket Figher မီးလောင်ကျွမ်းမှုကြောင့် ပျက်စီးခဲ့သည့် ခဲယမ်းနှင့် စစ်အသုံးအဆောင် ပစ္စည်းများအား တွေ့ရစဥ်။ ဓာတ်ပုံ − Rocket Figher မီးလောင်ကျွမ်းမှုကြောင့် ပျက်စီးခဲ့သည့် ခဲယမ်းနှင့် စစ်အသုံးအဆောင် ပစ္စည်းများအား တွေ့ရစဥ်။ ဓာတ်ပုံ − Rocket Figher မီးလောင်ကျွမ်းမှုကြောင့် ပျက်စီးခဲ့သည့် ခဲယမ်းနှင့် စစ်အသုံးအဆောင် ပစ္စည်းများအား တွေ့ရစဥ်။ ဓာတ်ပုံ − Rocket Figher
ပေါက်ကွဲမှုဖြစ်ချိန် ရဲဘော်တွေရောက်ရှိလာခဲ့ပြီးမီးငြိမ်းသတ်နိုင်ခဲ့ပေမဲ့ နာရီဝက်ကြာ လောင်ကျွမ်းခဲ့တာကြောင့် ခဲယမ်းပစ္စည်းများအပါအဝင် ကျပ်သိန်း ၅၀၀ ဖိုးခန့် ဆုံးရှုံးခဲ့တယ်လို့ Rocket Figher တပ်ဖွဲ့က ထုတ်ပြန်ပါတယ်။
ပေါက်မြို့နယ်ထဲမှာ မနေ့က စက်တင်ဘာ ၁၀ ရက်နေ့ကပဲ စစ်တပ်က လေကြောင်းတိုက်ခိုက်မှုတွေ ပြုလုပ်သွားပြီး ထိခိုက်ပျက်စီးမှုတွေရှိခဲ့ပါတယ်။
