'/%3E%3C/svg%3E){kind=small}
စက်တင်ဘာ-၂၅၊ ၂၀၂၅။ ထားမြတ်/People’s Spring
အမျိုးသားညီညွတ်ရေးအစိုးရ (NUG)ယာယီသမ္မတဒူဝါလရှီးလနဲ့ ကရင်အမျိုးသားအစည်းအရုံး (KNU) ဥက္ကဋ္ဌ ပဒိုကွယ်ထူးဝင်းတိ့ တွေ့ဆုံဆွေးနွေးခဲ့ကြောင်း ယာယီသမ္မတနဲ့ KNUဗဟိုက ဒီကနေ့ စက်တင်ဘာ ၂၅ရက်ညပိုင်းမှာ သတင်းထုတ်ပြန် အသိပေးခဲ့ပါတယ်။
အဲဒီ တွေ့ဆုံမှုမှာ နွေဦးတော်လှန်ရေး အမြန်ဆုံး အောင်မြင်စေဖို့ တော်လှန်ရးအင်အားစုများကြား ပူးပေါင်း လက်တွဲ လုပ်ဆောင်သွားမယ့် ကဏ္ဍတွေနဲ့ ပတ်သက်ပြီး အကျယ်တဝံ့ဆွေးနွေးခဲ့တယ်လို့ ဖော်ပြထားပါတယ်။
တော်လှန်ရေးအင်အားစုတွေအကြား အခုထက် ပိုစည်းလုံးညီညွတ်စွာ လက်တွဲပြီး မြန်မာနိုင်ငံ စစ်အာဏာရှင်လက်လက်အောက်ကအပြီးတိုင် လွတ်မြောက်ရေး၊ စစ်အာဏာရှင်နဲ့ အာဏာရှင်ဟူသမျှ အမြစ်ပြတ်တိုက်ဖျက်ရေး၊ လွတ်လပ်မှု၊ ငြိမ်းချမ်းမှုနဲ့ လူထုသာယာဝပြောမှုတို့ကို ဖော်ဆောင်နိုင်ရေး ဆက်လက်ပြီး ခိုင်မာစွာ အတူလက်တွဲ ဆောင်ရွက်သွားကြဖို့လည်း ခေါင်းဆောင်နှစ်ဦး သဘောတူခဲ့တယ်လို့ ထုတ်ပြန်ခဲ့ပါတယ်။
Public Service Announcement
KNUဟာ စစ်တပ်ရဲ့ အာဏာသိမ်းမှုကို ပြတ်သားစွာ ဆန့်ကျင်ခဲ့ပြီး စစ်ကောင်စီကို တော်လှန်မယ့်လူငယ်တွေကို သင်တန်းပေးတာ၊ နိုင်ငံရေးဆိုင်ရာ တာဝန်ရှိသူတွေအပါအဝင် စစ်ကောင်စီရဲ့ရန် ကြုံနေရသူတွေကို အကူအညီအကာအကွယ် ပေးတာ၊ PDF တပ်မတော်နဲ့ လက်တွဲပြီး စစ်ကောင်စီကို လက်တွဲတိုက်ခိုက်တာတွေ လုပ်ဆောင်နေတဲ့ တော်လှန်ရေးတပ်ဖွဲ့ဖြစ်ပါတယ်။
စစ်တပ်အာဏာသိမ်းပြီးနောက်ပိုင်း စစ်ကောင်စီတပ် အင်အားအများအပြား ပြုန်းတီးအောင် ထိရောက်စွာ တိုက်ခိုက်နိုင်ခဲ့သလို စစ်ကောင်စီတပ်စခန်းရာချီသိမ်းပိုက်နိုင်ခဲ့ပါတယ်။
