စက်တင်ဘာ-၃၀၊၂၀၂၅၊မေ/People’s Spring
မန္တလေးမြို့၊ ပုသိမ်ကြီးမြို့နယ်က စစ်ဘေးရှောင်ပြည်သူ ၁၅၀လောက်ကို စစ်တပ်က ဖမ်းဆီးပြီး စစ်ဆေးနေတယ်လို့ အဲဒီမြို့ဒေသခံတွေက ပြောပါတယ်။
ပုသိမ်ကြီးမြို့နယ်က မြကန်သာကျေးရွာမှာ တိုက်ပွဲတွေဖြစ်နေတာကြောင့် မြကန်သာ၊ သရက်ကိုင်းနဲ့ တောင်ပုလု ကျေးရွာအနီးက စစ်ဘေးရှောင်ပြည်သူတွေဟာ မတ္တရာမြို့နယ်၊ စခန်းသာကျေးရွာဘက်မှာ စက်တင်ဘာ၂၈ ရက် ညနေပိုင်းလောက်က ဖမ်းဆီးခံလိုက်ရတာလို့ သိရပါတယ်။
“မြကန်သာဘက်တိုက်ပွဲဖြစ်တော့ ရှောင်ကြတာ မတ္တရာဘက်ကို ပြေးလာကြတာ။အခုက စစ်တပ်က စခန်းသာကိုပါ စစ်တပ်က ဝင်စီးနိုင်သွားပြီ။အဲဒီမှာ မိတာ။အနီးနားတွေကိုလည်း တောနင်းရှာ နေတယ်”လို့ ဒေသခံတဦးက ပြောပါတယ်။
Public Service Announcement
စစ်ဘေးရှောင်တွေကို စစ်ဆေးနေတဲ့ သတင်းကိုသာ နောက်ဆုံးရထားပြီး နောက်ဆက်တွဲ အခြေအနေကိုလည်း မသိရသေးဘူးလို့ဆိုပါတယ်။
အဲဒီစစ်ကြောင်းဟာ အင်အား၁၂၀လောက်ပါပြီး စခန်းသာရွာကို လက်ရှိအထိုင်ချတပ်စွဲထားတယ်လို့ သိရပါတယ်။
ပြီးခဲ့တဲ့ စက်တင်ဘာ ၄ရက်ကလည်း အောင်ချမ်းသာ(ခ)ရွာသာယာရွာက စစ်ဘေးရှောင်ပြည်သူတွေဖမ်းဆီးခံခဲ့ရပြီး ကျီကုန်းရွာဘက်ကို ရောက်နေတဲ့ စစ်ကြောင်းက ဖမ်းဆီးသွားတာလို့ သိရပါတယ်။
