အောက်တိုဘာ-၂၊၂၀၂၅/ People’s Spring
တိုက်ပွဲတွေဖြစ်နေတဲ့ ကရင်ပြည်နယ်၊ မြဝတီမြို့က မြို့နယ်ရဲတပ်ဖွဲ့မှူး ရဲမှူးအောင်နိုင်ဦးဟာ မနေ့ညက ဦးနှောက်သွေးကြောပြတ်ပြီး သေဆုံးသွားတယ်လို့ မြဝတီမြို့ခံတချို့က အတည်ပြုပါတယ်။
ရဲမှူးအောင်နိုင်ဦးဟာ အောက်တိုဘာ ၁ရက် ည၁နာရီက မြဝတီဆေးရုံမှာ သေဆုံးခဲ့တာလို့ ဆိုပါတယ်။
မြဝတီမြို့ဟာ မြို့စောင့်တပ်ခလရ(၂၇၅)တပ်ရင်းကို တော်လှန်ရေးတပ်တွေ သိမ်းပိုက်ထိန်းချုပ်ထားစဉ်နဲ့ ၂၀၂၄မတိုင်မီမှာ မြို့ကို ကရင်နယ်ခြားစောင့်တပ်(BGF)က အဓိကထိန်းချုပ်ထားပါတယ်။ အဲဒီကာလတွေမှာ မြဝတီမြို့ပေါ်မှာ ရဲနဲ့ စစ်သားတွေ မတွေ့ရတော့ဘဲ ရဲတွေဟာ ရဲစခန်းထဲကအပြင်မထွက်ရဲတဲ့အထိ နေခဲ့ရပါတယ်။
Public Service Announcement
၂၇၅ တပ်ရင်းထဲကို စစ်ကောင်စီတပ်သားတွေ ပြန်ရောက်ပြီး နောက်ပိုင်းမှာတော့ ရဲတွေဟာ မြဝတီမြို့ပေါ်မှာ လှုပ်ရှားလာပြီး ပေါ်တာဆွဲတာနဲ့ CDMတွေ ဖမ်းဆီးတာတွေ စတင်လုပ်လာပါတယ်။
ပေါ်တာဆွဲဖမ်းဆီးတာတွေ လုပ်နေလို့ တော်လှန်ရေးတပ်တွေက ရဲစခန်းကို ဒရုန်းနဲ့ ဗုံးကြဲတိုက်ခိုက်တာတွေ ၂ကြိမ်ထက်မနည်း လုပ်ခဲ့ပါသေးတယ်။
၂၀၂၄ ဒီဇင်ဘာ ၂၈ ရက်ကလည်း မြဝတီမြို့မရဲစခန်းကို ဒရုန်းနဲ့ ဗုံး ၂ လုံးကြဲတိုက်ခိုက်ခံရလို့ ရဲ၃ဦး ဒဏ်ရာရခဲ့ပါသေးတယ်။
