'/%3E%3C/svg%3E){kind=small}
အောက်တိုဘာ-၂၊၂၀၂၅။ သုည/People’s Spring
စစ်ကိုင်းတိုင်း၊ ချောင်းဦးမြို့နယ်မှာ သပိတ်အင်အားစုနဲ့ ဒေသခံပြည်သူတွေ ပူးပေါင်းပြီး စစ်ကောင်စီ ရွေးကောက်ပွဲ ဆန့်ကျင်ရေး လှုပ်ရှားမှု ဆိုင်ကယ်သပိတ်ကို အောက်တိုဘာ ၁ရက်က ပြုလုပ်ခဲ့ပါတယ်။
ချောင်းဦးမြို့နယ်လူငယ်အင်အားစုသပိတ်ကော်မတီ၊ မုံရွာ-အမြင့်လမ်း သပိတ်ဦးဆောင်ကော်မတီနဲ့ ချောင်းဦးမြို့နယ်ကျောင်းသားများသမဂ္ဂ(ဗကသများအဖွဲ့ချုပ်)တို့ ပူးပေါင်းဦးဆောင်ခဲ့တာပါ။
ဒါ့အပြင် ဆိုင်ကယ်သပိတ်စစ်ကြောင်းကို မုံရွာလူထုသပိတ်တိုက်ပွဲဦးဆောင်ကော်မတီမှ ကိုခန့်ဝေဖြိုးနဲ့ ရဲဘော်တွေလည်း လာရောက်ပူးပေါင်းဝန်းရံခဲ့ကြပါတယ်။
Public Service Announcement
ဆန္ဒပြသူတွေဟာ “ဖက်ဆစ်ရွေးကောက် ခွေးထွက်ပေါက် ၊ မဲမပေးဘဲ သပိတ်မှောက်”၊ “လွတ်မြောက်ခြင်းသည် တော်လှန်ရေးမှတပါး တခြားမရှိ”၊ “လူထုအရေးတော်ပုံ မုချအောင်ရမည်” စတဲ့ ကြွေးကြော်သံတွေနဲ့ မိုးထဲရေထဲမှာ ချီတက်ခဲ့ကြပါတယ်။
စစ်ကောင်စီက ပြုလုပ်မယ့် ရွေးကောက်ပွဲကို လူထုတရပ်လုံးက ဆန့်ကျင်ကြဖို့နဲ့ တော်လှန်ရေးကဏ္ဌအသီးသီးမှာ ပူးပေါင်းပါဝင်ဆောင်ရွက်ရင်း စစ်မှန်တဲ့ ဖက်ဒရယ်ဒီမိုကရေစီ ပြည်ထောင်စုဆီသို့ ချီတက်အရောက်သွားကြဖို့ကိုလည်း သပိတ်ကော်မတီဝင်တွေက တိုက်တွန်းနှိုးဆော်ခဲ့ပါတယ်။
ချောင်းဦးမှာ စစ်ကောင်စီရွေးကောက်ပွဲ ဆန့်ကျင်ရေး ဆိုင်ကယ်သပိတ် ပြုလုပ် အောက်တိုဘာ-၂၊၂၀၂၅။ သုည/People's…
Posted by People's Spring on Thursday 2 October 2025
ရုပ်သံ – ချောင်းဦးမြို့နယ်လူငယ်အင်အားစုသပိတ်ကော်မတီ(CYSC)
