အောက်တိုဘာ-၁၃၊၂၀၂၅၊ရှိန်း/ People’s Spring
မန္တလေးတိုင်း၊စဉ့်ကူးမြို့နယ်က ထုံးကြီးကျေးရွာကို စစ်ကောင်စီတပ်က လေကြောင်းတိုက်ခိုက်ခဲ့ရာ ပြည်သူ ၁ဦးထိခိုက် ဒဏ်ရာရခဲ့တယ်လို့ ဒေသခံတွေက ပြောပါတယ်။
အောက်တိုဘာ ၁၂ရက် မနေ့က မနက်၉နာရီ ကျော်မှာ ထုံးကြီးရဲစခန်းအနီးကို စစ်ကောင်စီတပ်က လေကြောင်းတိုက်ခိုက်မှု ပြုလုပ်ခဲ့တာလို့ သိရပါတယ်။
“ ရဲစခန်းကိုပဲ ကြဲလားမသိဘူး။ရဲစခန်းနဲ့ ဘုန်းကြီး ကျောင်းနားကို ကျပြီး အမျိုးသားတယောက်ကတော့ အစမှန်ဒဏ်ရာ ရတယ်” လို့ ဒေသခံတဦးက ပြောပါတယ်။
Public Service Announcement
ထုံးကြီးကျေးရွာကို စစ်ကောင်စီက မကြာခဏ လေကြောင်း တိုက်ခိုက်လေ့ရှိပြီး ယခင်ကလည်း ရဲစခန်းအနီးကို လေကြောင်းတိုက်ခိုက်ခဲ့တယ်လို့ သိရပါတယ်။
စစ်ကောင်စီတပ်ဟာ မန္တလေးတိုင်းအတွင်းက တော်လှန်ရေးတပ်စိုးမိုးထားတဲ့ နေရာတွေကို လေကြောင်းတိုက်ခိုက်မှု တွေဆက်တိုက်ပြုလုပ် နေတာပါ။
အောက်တိုဘာ ၁၁ရက်ကလည်း မတ္တရာမြို့နယ်အရှေ့ခြမ်းကို စစ်ကောင်စီတပ်က လေကြောင်းတိုက်ခိုက်ခဲ့တာမို့ ပြည်သူ ၃ဦး သေဆုံးခဲ့တယ်လို့ သိရပါတယ်။
