အောက်တိုဘာ – ၁၄ ၊၂၀၂၅ ၊ ဆိုင်းမင်း/People’s Spring
ပဲခူးတိုင်း၊ဒိုက်ဦးအကျဉ်းထောင်မှာနိုင်ငံရေးအကျဉ်းသား ၁၆ဦး တိုက်ပိတ်ခံထားရတယ်လို့ မြန်မာနိုင်ငံလုံးဆိုင်ရာနိုင်ငံရေးအကျဉ်းသားများကွန်ရက်(PPNM) က အောက်တိုဘာလ ၁၁ ရက်မှာ ထုတ်ပြန်အသိပေးပါတယ်။
အဲဒီနိုင်ငံရေးအကျဉ်းသားတွေဟာ ထောင်တွင်း လူစုလူဝေးပြုလုပ်တယ်ဆိုတဲ့ အကြောင်းပြချက်နဲ့ အောက်တိုဘာလ ၂ ရက်က စတင်ပြီး ခြေကျင်းဒေါက်ခတ်ကာ တိုက်ပိတ်ထားတာလို့သိရပါတယ်။
ငါးယောက်တစ်ဖွဲ့နှုန်းနဲ့ လူစုခွဲပြီး ပြစ်ဒဏ်တိုက်ခန်းတွေမှာ တိုက်ပိတ်ထားတာပါ။
Public Service Announcement
နောက်ဆုံးရရှိထားတဲ့သတင်းအရ မနေ့ အောက်တိုဘာ ၁၃ ရက်အထိ တိုက်ပိတ်ထားဆဲလို့သိရပါတယ်။တိုက်ပိတ်တယ်ဆိုတာကတော့ အလင်းရောင် နဲ့ လေဝင်လေထွက်မကောင်းတဲ့ အခန်းကျဉ်းထဲမှာ အပြင်ပေးမထုတ်ဘဲ ချုပ်နှောင်ထားတာဖြစ်ပါတယ်။
“ လက်ရှိ တမံတလင်းပေါ်မှာ ဘာအခင်းမှမပါဘဲနဲ့ နေထိုင်နေကြရတယ် ၊ ပါဆယ်တွေလည်းပိတ်ခံထားရတယ်၊ခန္ဓာကိုယ်အောက်ပိုင်းတွေချိနဲ့တာ ၊လေဖြတ်နိုင်တဲ့အခြေနေတွေထိပါဖြစ်နေတယ်ဗျ“လို့ PPNM ရဲ့ ဦးဆောင်ကော်မဝင် ကိုသိုက်ထွန်းဦးကပြောပါတယ်။
နိုင်ငံရေးအကျဉ်းသားတစ်ဦးကို ရာဇဝတ်အကျဉ်းသားတွေက ဝိုင်းဝန်းထိုးကြိတ်တာနဲ့ပတ်သက်ပြီး ဖြေရှင်းပေးဖို့ အကျဉ်းထောင်အဆောင်မှုးကို တင်ပြရာမှာ ထောင်တွင်းလူစုလူဝေး လုပ်တယ်ဆိုတဲ့ အကြောင်းပြချက်နဲ့ နိုင်ငံရေးအကျဉ်းသား ၁၆ ဦးကို တိုက်ပိတ်ခဲ့တာလို့ PPNM ထံကသိရပါတယ်။
ပြီးခဲ့တဲ့ ဇူလိုင်လတတိယပတ်အတွင်းကလည်း ဒိုက်ဦးထောင်တွင်းမှာ နိုင်ငံရေးအကျဉ်းသူရှစ်ဦးကို အကြောင်းပြချက်ခိုင်ခိုင်လုံလုံမရှိဘဲ တိုက်ပိတ်တာတွေ လုပ်ဆောင်ခဲ့ပါတယ်။
