ရန်ကုန်မှာငလျင်လှုပ်၊ ပြည်သူအချို့ စိုးရိမ်ပြီး တိုက်အောက်ဆင်းနေ

​အောက်တိုဘာ-၁၇၊၂၀၂၅။အိမ်သွင်/People’s Spring

ရန်ကုန်မြို့မှာ ယ​နေ့ည ၁၁နာရီ ၁၀ မိနစ်ခန့်က ​မြေငလျင်လှုပ်သွားပြီး မြို့နယ်အများစုကပြည်သူ​တွေသိရှိခံစားလိုက်ရသလို ဒေသခံအချို့ ​စိုးရိမ် တဲ့အတွက်တိုက်​အောက်ဆင်း လမ်း​ပေါ်ထွက်နေကြပါတယ်။

“ အရမ်းကြမ်းတယ်။ ခါယမ်းသွားတာ။ လူတွေအကုန် တိုက်အောက်ကိုဆင်းကုန်ပြီ” လို့ လှိုင်မြို့မှာနေထိုင်သူတစ်ဦးကပြောပါတယ်။

​မြေငလျင်လှုပ်တာကို လှိုင်၊ ကမာရွတ်၊ စမ်း‌ချောင်း၊ရန်ကင်း၊ အင်းစိန် ၊​တောင်ဥက္ကလာပ၊​ကျောက်တံတား ၊မရမ်းကုန်း စတဲ့မြို့နယ်​တွေအပါအဝင် ရန်ကုန်တစ်မြို့လုံး အတိုင်းအတာနဲ့ ခံစားလိုက်ရတယ်လို့​ဒေသခံ​တွေက လူမှုကွန်ယက်မှာ​ရေးသား​နေကြပါတယ်။

Public Service Announcement

​မြေငလျင်ဟာ ရန်ကုန်တိုင်း၊ ဒလမြို့နယ်အတွင်း၊မြေအောက်အနက် ၇ ကီလိုမီတာ( ၄ မိုင်​ကျော်)ကိုဗဟိုပြုပြီး​တော့ ရစ်ခ်တာစကေး ၃.၉ အဆင့်နဲ့လှုပ်ခတ်ခဲ့တာလို့ NUG ရဲ့ MOHADMက​ဖော်ပြာတယ် ။

​မြေငလျင်အင်အား ၃ ဒသမ ၉ ဆိုတာ အင်အားအနည်းငယ်သာရှိတဲ့ မြေငလျင်ဖြစ်ပါတယ်။ဒါ​​ပေမယ့် ​​မြေ​အောက်က ငလျင်ဗဟိုချက်ဟာ ​မြေပြင်နဲ့ ပိုနီး​လေ ပို ပြင်းထန်​လေ့ရှိပါတယ် ။ ​အောက်တိုဘာ ၁၇ ညလှုပ်တဲ့ငလျင်ဗဟိုချက်ဟာ ​မြေအနက် ၇ ကီလိုမီတာမှာလှုပ်ခတ်ခဲ့တာဖြစ်လို့ ​ဇောက်တိမ်ငလျင်ဖြစ်ပါတယ်။​​ဇောက်တိမ်ငလျင်​တွေက ပိုအားပြင်းတက်တယ်လို့ ​မြေငလျင်ပညာရှင်​တွေက​ပြောထားပါတယ်