အောက်တိုဘာ-၃၀၊၂၀၂၅။သတိုး/People’s Spring
ရန်ကုန်မြို့၊ရွှေပြည်သာမြို့နယ်(၇)ရပ်ကွက် အုပ်ချုပ်ရေးမှူးရုံးကို လက်ပစ်ဗုံး နှစ်လုံးနဲ့ တိုက်ခိုက်ခဲ့တာမှာ ထိခိုက်မှုတွေရှိနိုင်တယ်လို့ Yangon Army အဖွဲ့တာဝန်ရှိသူက ပြောပါတယ်။
“ မဲဆွယ်စည်းရုံးရေးလုပ်ရင် လုံခြုံရေးယူဖို့ အုပ်ချုပ်ရေး နဲ့ ပျူတွေ လူစုနေကြတဲ့အချိန် ကွက်တိဗျင်းခဲ့လိုက်တယ်။လူနာတင်ကား တွေအလုပ်ရူပ်နေကြပြီ။” လို့အထက်ပါတာဝန်ရှိသူက အောက်တိုဘာ ၃၀ ရက်နေ့ခင်းပိုင်းမှာ ပြောပါတယ်။
အောက်တိုဘာ ၃၀ ရက် မနက် ၁၁ နာရီလောက်က Yangon Army နဲ့ Mother Son Yangon Force အဖွဲ့တို့ ပူးပေါင်းတိုက်ခိုက်မှုပြုလုပ်ခဲ့တာဖြစ်ပြီးစစ်ဆင်ရေးလုပ်ဆောင်တဲ့ရဲဘော်တွေဘေးကင်းတယ်လို့ ပြောပါတယ်။
Public Service Announcement
မြေပြင်သတင်းတွေ ဖော်ပြပေးနေတဲ့ Hlaing Info ရဲ့ တယ်လီဂရန်မှာတော့ မနက် ၁၁ နာရီ ၂ မိနစ်က ရွှေပြည်သာ ၇ ရပ်ကွက်ရုံးမှာ ပေါက်ကွဲမှု ဖြစ်ကြောင်း ဒေသခံကသတင်းပေးပို့တယ်လို့ ဖော်ပြထားပါတယ်။
Yangon Army အနေနဲ့ အောက်တိုဘာလထဲမှာ မဟာမိတ်တွေနဲ့ ပူးပေါင်းပြီး လှည်းကူးမြို့နယ်စစ်အုပ်စုရဲ့ အထွေထွေအုပ်ချုပ်ရေးမှုးရုံးနဲ့ မင်္ဂလာဒုံမြို့နယ်က ကြံ့ဖွံ့ရုံး ကို တိုက်ခိုက်မှုတွေပြုလုပ်ခဲ့ပါတယ်။
ပြီးခဲ့တဲ့ ဩဂုတ် နဲ့စက်တင်ဘာလ နှစ်လအတွင်းမှာ ရန်ကုန်မြို့က တော်လှန်ရေးအင်အားစုတွေ အနေနဲ့ စစ်ကောင်စီနဲ့ သက်ဆိုင်တဲ့နေရာ ၁၃ ခုကို တိုက်ခိုက်ခဲ့တယ်လို့ထုတ်ပြန်ထားပါတယ်။
