နိုဝင်ဘာ-၃ ၊၂၀၂၅။ဇော်ဝင်း/People’s Spring
ကရင်နီပြည်နယ်၊ဒီးမော့ဆို အနောက်ခြမ်းကို စစ်ကောင်စီက လေကြောင်းကနေတိုက်ခိုက်မှုကြောင့် ကရင်နီပြည်ရဲ(KSP)တပ်ဖွဲ့ဝင်အချို့အပါအဝင် ငါးဦး ကျဆုံးခဲ့တယ်လို့ ဒေသခံသတင်းရင်းမြစ်အချို့က ပြောပါတယ်။
ဒီကနေ့(နိုဝင်ဘာ ၃ ရက်)မနက်၇နာရီဝန်းကျင်မှာဂျက်ဖိုက်တာ ၊ အသေခံဒရုန်း တွေနဲ့ ဒီးမော့ဆိုအနောက်ခြမ်းကို ဗုံးကြဲတိုက်ခိုက်ခဲ့တာလို့ ဆိုပါတယ်။
“ လောလောဆယ် ငါးယောက်ထိခိုက်သေဆုံးထားတယ်” လို့ ဒီးမော့ဆိုမြို့နယ်က စစ်ရှောင်ရအရေး ကူညီနေသူတစ်ဦးက ပြောပါတယ်။
Public Service Announcement
စစ်ကောင်စီရဲ့လေကြောင်းကနေဗုံးကြဲခံရမှုမှာKSPရုံးခွဲဖြစ်ပြီး သတင်း ပေး(ဒလန်)တွေကနေ တဆင့် တိုက်ခိုက်ခံရတာလို့လည်း ကရင်နီစစ်ရေးသတင်းရင်းမြစ်က အသိပေးပါတယ်။
လေကြောင်းတိုက်ခိုက်မှုကြောင့် KSP တပ်ဖွဲ့ဝင်တချို့ ထိခိုက်သေဆုံးခဲ့တယ်လို့လည်း ကရင်နီပြည်ကြားကာလအုပ်ချုပ်ရေးကောင်စီ IECတွဲဖက်အတွင်းရေးမှူး ဦးဗညားက အတည်ပြုပါတယ်။
ဒါပေမယ့်သေဆုံးခဲ့သူတွေနဲ့ ထိခိုက်ဒဏ်ရာရသူတွေရဲ့စာရင်းအချက် အလက်တွေကို တိတိကျကျ မရသေးဘူးလို့ ဆိုပါတယ်။
ကရင်နီပြည်နယ်ရဲ့ IEC ပြည်ထဲရေးဌာနလက် အောက်မှာ KSP မြို့နယ်ရဲဌာနရုံး ခြောက်ခု၊နယ်မြေရဲစခန်း ၁၇ ခု၊ရဲကင်း ရှစ်ခု၊ဆေးရုံလုံခြုံရေးရဲကင်းလေးခုနဲ့ ရဲဂိတ် ၁၀ခုရှိတယ်လို့ သိရပါတယ်။
အာဏာသိမ်းပြီးနောက်ပိုင်း ပြီးခဲ့တဲ့ ၂၀၁၅ အောက်တိုဘာလကုန်အထိ စစ်ကောင်စီက ကရင်နီပြည်နယ်ကို လေကြောင်းတိုက်ခိုက်မှု အကြိမ် ၂၀၀၀ ကျော် လုပ်ခဲ့တယ်လို့ တိုးတက်သောကရင်နီပြည်သူ့အင်အားစု PKPF က ထုတ်ပြန်ထားပါတယ်။
