နိုဝင်ဘာ-၂၃၊၂၀၂၅။မိုမို/People’s Spring
ပဲခူးတိုင်း၊ဇီးကုန်းမြို့ပေါ်က KTV ကို ဝင်ရောက်စီးနင်းပစ်ခတ်ခဲ့ရာ စစ်သား နဲ့ ရဲ ခုနှစ်ဦးသေ
ဆုံးတယ်လို့ နတ်စစ်သည်တပ်ဖွဲ့တာဝန်ရှိသူက ပြောပါတယ်။
မနေ့က(နိုဝင်ဘာ ၂၂ ရက်)ည ၁၁ နာရီဝန်းကျင် တိုက်ခိုက်မှုမှာ G 3 တစ်လက်၊ ကျည်ဘောက်ငါးခု၊ ကျည်အတောင့် ၈၀၊ အီကွေ့မန့် နှစ် ခု၊ ဓား ၃ လက်နဲ့ လက်ထိပ်တစ်ခု သိမ်းဆည်းနိုင်ခဲ့တယ်လို့ကနဦးသတင်းရရှိပါတယ်။
“ကေတီဗီကို စခ၊ရခ ခုနှစ်ဦး ရောက်နေတယ်ကြားတယ်။အဲဒါကြောင့် ဝင်ရောက်စီးနင်းတိုက်ခိုက်ခဲ့ရာမှာ အကုန်သေတယ်။မြို့မရဲစခန်း နဲ့က နှစ်ဖာလုံ၊သုံးဖာလုံပဲ ဝေးတာ။တိုက်ခိုက်မှုကို နှစ်မိနစ်၊သုံးမိနစ်နဲ့အတိအကျ အကောင်အထည်ဖော်ခဲ့ရတယ်”လို့ အထက်ပါတာဝန်ရှိသူက တိုက်ခိုက်မှု ဖြစ်စဥ် အကြောင်း လူထုနွေဦးကို ရှင်းပြပါတယ်။
Public Service Announcement
ပစ်ခတ်မှုအပြီး ဇီးကုန်းမြို့မရဲစခန်းက စစ်ကူကား တွေလာလို့ ကြားဖြတ်ဟန့်တားတိုက်ခိုက်ခဲ့တာလည်းလုပ်ခဲ့တာကြောင့်စစ်ကူကားနောက် ဆုတ်ခွာခဲ့တယ်လို့ အသိပေးပါတယ်။
အဆိုပါစစ်ဆင်ရေးကိုနတ်စစ်သည်တပ်ဖွဲ့နဲ့ ကြို့ပင်ကောက်မြို့နယ်အခြေစိုက် BTZM တပ်ဖွဲ့ တို့ ပူးပေါင်းတိုက်ခိုက်ခဲ့တာလို့ သိရပါတယ်။
စစ်သားနဲ့ ရဲတွေသေဆုံးမှု အသေးစိပ်အခြေအနေနဲ့ပတ် သက်လို့ လူထုနွေဦးက သီးခြားအတည်ပြုလို့ မရသေးပါဘူး။
ဒါ့အပြင် နိုဝင်ဘာလ ၁၁ ရက်က ကြို့ပင်ကောက်မြို့နယ်မှာစစ်ကောင်စီရွေးကောက်ပွဲမဲစာရင်းစစ်ဆေးသူ နဲ့ သတင်း ပေး(ဒလန်)လုပ်နေသူရဲ့ နေအိမ်တွေအထိကွင်းဆင်းသတိပေးခဲ့တယ်လို့ ပြည်သူ့ကာကွယ်ရေးတပ်ဖွဲ့ နတ်စစ်သည် က ထုတ်ပြန်ထားပါတယ်။
