မိုးကုတ်မြို့ထဲကိုစစ်တပ်မှအရပ်ဝတ်အချို့စိမ့်ဝင်၊နိုဝင်ဘာ၂၉ ရက်စစ်တပ်စဝင်မယ်လို့​ဒေသခံအချို့​ပြော

နိုဝင်ဘာ၂၄၊၂၀၂၅။ မေ/People’s Spring

မန္တလေးတိုင်း၊မိုးကုတ်မြို့မှာ စစ်သားတချို့ အရပ်ဝတ်နဲ့ စိမ့်ဝင်လာနေပြီး နိုဝင်ဘာလ၂၉ ရက်နေ့မှာ အာဏာသိမ်းစစ်တပ်စတင်ဝင်ရောက်မယ်လို့ TNLA တပ်က အသိ​ပေးထားတယ်လို့ ​ဒေသခံအချို့နဲ့ စစ်​ရေးသတင်းရင်းမြစ်​တွေက​ပြောပါတယ်။

စစ်တပ်ဝင် ရောက်လာချိန်မှာကျည်မဖောက်ဖို့ တော်လှန်ရေးတပ်တွေကို TNLAက ​အသိ​ပေး​ပြောကြားထားပြီး မြို့တွင်းမြို့ပြင်မှာTNLA တပ်ဖွဲ့ဝင်​တွေတပ်ဖြန့်ထားတာတပတ်ခန့်ရှိပြီလို့ မြို့ပေါ်မှာရှိ နေသူတွေက ပြောပါတယ်။

“ အခုထဲက စိမ့်ဝင်နေပြီ။အရပ်ဝတ်တွေ(စစ်တပ်ဘက်ကသူ​တွေ) ရောက် နေတယ်။ ထောက်လှမ်းတာတွေ လုပ်နေတာမျိုးရှိတယ်” လို့ မြို့ပေါ်မှာ နေထိုင်သူတဦးက ပြောပါတယ်။

Public Service Announcement

လာမယ့်နိုဝင်ဘာလ၂၉ ရက်နေ့မှာ​တော့ စစ်တပ်က မြို့ထဲကိုအတည်တကျဝင်ရောက်မှာဖြစ်ပြီး နောင်ချိုမြို့နယ်နဲ့ ကျောက်မဲမြို့နယ်လမ်းဘက် တွေက ဝင်ရောက်လာမှာလို့ သတင်းရင်းမြစ်အချို့က​ပြောပါတယ်။

လက်ရှိမှာ မြို့တွင်းက စတားလင့်ဆိုင် တွေကိုလည်း TNLAတပ်က ပိတ်ခိုင်းတာ တွေရှိပြီး ဝင်ရောက်လာမယ့်စစ်တပ်ကို တိုက်ခိုက်မခံရ​အောင်လုံခြုံရေးပေးမယ့်အ နေအထားရှိတယ်လို့ မြို့ခံကဆိုပါတယ်။

စစ်တပ်ဝင်လာမယ့်ရက်ကနီးကပ်လာတဲ့အခါ တော်လှန်ရေး တပ်ဖွဲ့တွေအားလုံးနီးပါးလည်း မြို့ထဲကထွက်ခွာနေကြပြီလို့ စုံစမ်းသိရပါတယ်။

မိုးကုတ်မြို့ခံ ပြည်သူအများစုကတော့ စစ်ဘေး ရှောင် နေကြပြီး မြို့တွင်းမှာပြည်သူ ၂၅ရာခိုင်
နှုန်း​လောက်ပဲ ကျန်တော့တယ်လို့လည်း ​ဒေသခံအချို့က​ပြော ပါတယ်။

TNLA ဦး​ဆောင်တဲ့ ​တော်လှန်​ရေးတပ်​တွေက မန္တ​လေးတိုင်းထဲက နာမည်​ကျော်ပတ္တမြားထွက်ရှိရာ မိုးကုတ်မြို့ကို ၁၀၂၇ စစ်ဆင်​ရေးဒုတိယလှိုင်း ၂၀၂၄ ဇူလိုင် ၂၄ ရက်မှာအပြီးသတ်သိမ်းပိုက်ခဲ့ပါတယ် ။

ဒါ​​ပေမယ့် တရုတ်အစိုးရက ​မြောက်ပိုင်းညီ​နောင်မဟာမိတ် သုံးဖွဲ့ကို ထိုးစစ်​တွေရပ်ဖို့ ၂၀၂၄ သြဂုတ်လကစပြီးဖိအား​ပေးခဲ့ပါတယ်။ဒါ​ကြောင့် MNDAA က ၂၀၂၅ ဧပြီလမှာ လားရှိုးမြို့ကို စစ်တပ်ထံပြန်လွှဲ​ပေးခဲ့ရပါတယ် ။

တရုတ်အစိုးရဖိအား​ပေးမှုနဲ့ စစ်တပ်ကို တရုတ်ကကူညီမှု​ကြောင့် TNLA ဦး​ဆောင်တဲ့ ပူး​ပေါင်းတပ်​တွေရဲ့ထိုးစစ်ဟာ ​တောင်းခမ်းက​နေ ၂၀၂၅ နှစ်လည်ပိုင်းမှာဆုတ်ခွာခဲ့ရပါတယ်။အဲဒီ​နောက်
စစ်တပ်က ၂၀၂၅ သြဂုတ်လက​နေ တန်ပြန်ထိုးစစ်ဆင်ပြီး ​နောင်ချို ၊သီ​ပေါ ၊​ကျောက်မဲ မြို့​တွေကို ပြန်လည်ထိန်းချုပ်နိုင်ခဲ့ပါတယ် ။

ပြီးခဲ့တဲ့ ​အောက်တိုဘာ ၂၇ ၊၂၈ ရက်မှာ တရုတ်အစိုးရရဲ့အစီအစဥ်နဲ့ PSLF/TNLAနဲ့ စစ်တပ်ကိုယ်စားလှယ်တွေတရုတ်နိုင်ငံမှာ ၉ ကြိမ်​မြောက်အဖြစ်ဆွေးနွေးပြီး အပစ်အခတ်ရပ်စဲရေးအတွက် သဘောတူညီချက် လက်မှတ်ရေးထိုးခဲ့ကြောင်း TNLAက၂၉ ရက် ထုတ်ပြန်ပါတယ်။

PSLF /TNLA ဒုဥက္ကဋ္ဌ ဒုတိယဗိုလ်ချုပ်ကြီး တားဂျုတ်ဂျား ဦးဆောင်တဲ့ကိုယ်စားလှယ်အဖွဲ့နဲ့ စစ်ကောင်စီရဲ့ဒုတိယဗိုလ်ချုပ်ကြီးကိုကိုဦး ဦးဆောင်တဲ့အဖွဲ့တို့ဟာ တရုတ်နိုင်ငံအထူးကိုယ်စားလှယ် မစ္စတာတိန့်ရှီကျွင်းရဲ့ကြားဝင်ညှိနှိုင်းမှုနဲ့ အပစ်ရပ်စဲရေး သဘောတူခဲ့တာလို့​ဖော်ပြပါတယ်။ ​​အောက်တိုဘာ ၂၉ ရက်ကစပြီးနှစ်ဖက်တပ်​တွေ​ရောက်​နေတဲ့​နေရာမှာရပ်ထားဖို့ ၊စစ်တပ်က ဗုံးမကြဲဖို့ ၊ထိုးစစ်ဆင်တာမလုပ်ဖို့ ၊အပစ်အခတ်ရပ်ဖို့စတာ​တွေသ​ဘောတူခဲ့တယ်လို့ဆိုပါတယ် ။

TNLAက ထုတ်ပြန်ပြီး နာရီပိုင်းအကြာမှာပဲ ပြည်သူ့ကာကွယ်ရေးတပ်မတော်(မန္တလေး)-MDY PDFနဲ့ ပြည်သူ့ကာကွယ်ရေးတပ်မတော်(PDF) မိုးကုတ်ဗျူဟာ၊ မိုးကုတ်မြို့နယ်ပြည်သူ့ကာကွယ်
ရေးအဖွဲ့(ပကဖ)၊ ပြင်ဦးလွင်မြို့နယ်ပြည်သူ့ကာကွယ်ရေးအဖွဲ့(ပကဖ)တို့က ထိန်းချုပ်နယ်မြေတွေ ကာကွယ်ဖို့ မိတ်ဖက်တော်လှန်​ရေးအင်အားစု​တွေနဲ့ လက်တွဲပြီး အစွမ်းကုန်လုပ်ဆောင်မယ်လို့ ကြေညာခဲ့ကြပါတယ်။

ဒါ​ပေမယ့် ​TNLA က​တော်လှန်​ရေးတပ်​တွေကို မိုးကုတ်မြို့ထဲစစ်တပ်ဝင်လာရင် မတိုက်ဖို့ ​ပြောတာ​ကြောင့် ဒီလကုန် စစ်တပ်ဝင်လာရင် တိုက်မှာမဟုတ်​တော့ဘူးလို့ စစ်​ရေးရင်းမြစ်အချို့က​ပြောပါတယ် ။

မိုးကုတ် ၊မိုးမိတ်မြို့ ​နောက်ဆုံးအ​ခြေအ​နေ​တွေနဲ့ပါတ်သက်ပြီးTNLA ​ပြော​ရေးဆိုခွင့်ရှိသူကို ဆက်သွယ်​မေးမြန်းဖို့ ကြိုးစား​ပေမယ့်ဆက်သွယ်မရပါဘူး ။