တညင်းကုန်းဈေး ကုန်ခြောက်တန်း မီးလောင်

နိုဝင်ဘာ-၂၆၊၂၀၂၅။ရောင်နီ/People’s Spring

ရန်ကုန်မြို့ အင်းစိန်မြို့နယ်မှာရှိတဲ့ တညင်းကုန်းဈေးမီးလောင်မှုဖြစ်ခဲ့တာကြောင့် ၁နာရီနီးပါးမီးငြှိမ်းသတ်ခဲ့ရတယ်လို့ မီးသတ်တပ်ဖွဲ့က အသိပေးထားပါတယ်။

ဒီနေ့(နိုဝင်ဘာ ၂၆) ည ၈နာရီမှာ မီးစတင်လောင်ခဲ့တာဖြစ်ပြီး Level 1 အဆင့်မီးငြှိမ်းသတ်ယာဉ်တွေနဲ့သွားရောက်မီးငြှိမ်းသတ်ခဲ့ရတယ်လို့ မီးသတ်က ထုတ်ပြန်ထားပါတယ်။

တညင်းကုန်းဈေးမှာ ကုန်ခြောက်တွေ ရောင်းချတဲ့ ဈေးရုံနံပါတ် ၃ မှာ မီးလောင်ခဲ့တာဖြစ်ပြီး ဈေးရုံအတွင်းပိုင်းအထိ ဝင်ရောက်မီးငြှိမ်းသတ်ခဲ့ရတာကို တိုက်ရိုက်ထုတ်လွှင့်တဲ့ ဗီဒီယိုတွေမှာ တွေ့ရပါတယ်။

Public Service Announcement

မီးလောင်မှုကို ည ၈ နာရီ ၄၆ မိနစ်မှာ ငြှိမ်းသတ်ခဲ့တယ်လို့ မီးသတ်ကထုတ်ပြန်ထားပေမယ့် အပြီးသတ်မီးငြှိမ်းသတ်နိုင်ခဲ့တာက ည ၉နာရီလောက်မှာ ဖြစ်တယ်လို့ သိရပါတယ်။

မီးလောင်မှု အကြောင်းရင်းနဲ့ ဆုံးရှုံးမှူတန်ဖိုးကိုတော့ မီးသတ်တပ်ဖွဲ့က ထုတ်ပြန်ထားတာမရှိသေးပါဘူး။

ပွင့်လင်းရာသီ‌ရောက်လာတာနဲ့ အမျှ ရန်ကုန်မြို့မှာ ဒီရက်ပိုင်းအတွင်း မီးလောင်မှုတွေ ခပ်စိတ်စိတ်ဖြစ်နေတာကြောင့် မီးဘေးလုံခြုံရေးသတိထားဖို့ မီးသတ်တပ်ဖွဲ့က တာဝန်ရှိသူတစ်ဦးက သတိပေးထားပါတယ်။