မိုးကုတ် အနောက်ခြမ်းကိုစစ်တပ်မီးရှို့

ဒီဇင်ဘာ-၁၊၂၀၂၅။မေ/ People’s Spring

မန္တလေးတိုင်း၊မိုးကုတ်မြို့အနောက်ပိုင်း၊ကသဲအုပ်စု၊ ညောင်ပင်ကြီးရပ်ကွက်ကို စစ်တပ်ကမီးရှို့ခဲ့တာ ကြောင့် ‌‌‌‌‌စစ်ဘေး ရှောင် နေကြတဲ့ ပြည်သူတွေရဲ့ နေအိမ်၃လုံး မီး လောင်ပျက်စီးခဲ့တယ်လို့ ဒေသခံစစ်ရေးသတင်းအရင်းမြစ်တွေဆီကသိရပါတယ်။

‌‌ဒီဇင်ဘာလ ၁ ရက်နေ့၊ညနေ ၅နာရီဝန်းကျင်မှာ စစ်တပ်က မီးရှို့ဖျက်ဆီးခဲ့တာလို့ သိရပါတယ်။မီးရှို့ဖျက်ဆီးခံရမှုမှာ နေအိမ်၃လုံး မီး လောင်ပျက်စီးခဲ့တယ်လို့ ဒေသခံသတင်းအရင်းအမြစ် တဦးက ပြောပါတယ်။

“ စစ်ဘေးရှောင်နေကြတဲ့အိမ်တွေဖြစ်တဲ့အတွက် လူတော့အထိအခိုက်မရှိပါဘူး” လို့ဒေသခံတဦးကပြောပါတယ်။

Public Service Announcement

အာဏာသိမ်းစစ်တပ် နဲ့ TNLAတပ်နဲ့ ညှိုနှိုင်းပြီး နိုဝင်ဘာလ၂၉ ရက်နေ့ ညနေပိုင်းမှာစစ်တပ်က မိုးကုတ်မြို့ထဲကို အင်အားအလုံးအရင်းနဲ့ ဝင်လာခဲ့ပါတယ်။

အဲဒီနောက် နိုဝင်ဘာ ၃၀ ညနေ ၅နာရီခန့်မှာ မြို့ပြင်အ​နောက်ခြမ်းကို စစ်တပ်က စစ်​ကြောင်းထိုးဖို့ကြိုးစားတာမှာ မြို့ အပြင်မှာ တပ်စွဲထားတဲ့ PDF တွေနဲ့ တိုက်ပွဲဖြစ်ပွားခဲ့ပါတယ်။ အဲဒီတိုက်ပွဲမှာစစ်ကောင်စီတပ်သား ၂၀ ခန့်သေဆုံးပြီး ပြန်ဆုတ်သွားခဲ့တယ်လို့ စစ်​ရေးသတင်းရင်းမြစ်အချို့က​ပြောပါတယ်။

အဲဒီနောက် စစ်တပ်က မြို့တွင်းကနေ လက်နက်ကြီးတပ်ဆင်ကာအနောက်ဘက်ကတောင်​ပေါ် ​တွေကိုလက်နက်ကြီးနဲ့ ပစ်ခတ်တာ တွေပြုလုပ် နေပါတယ် ။ ဒါအပြင် မြို့အ​နောက်ဘက်က​နေအိမ်အချို့ကို အခုလိုစစ်တပ်ကမီးရှို့တာဖြစ်ပါတယ်။

မိုးကုတ်မြို့မှာ ဒီနေ့လည်းတိုက်ပွဲ​တွေထပ်ဖြစ်ခဲ့ပြီး စစ်တပ်က မြို့ထဲမှာ လက်နက်ကြီး​တွေ ​နေရာချပြီး ပစ်ခတ်​နေတယ်လို့ စစ်​ရေးရင်းမြစ်အချို့က​ပြောပါတယ် ။ဒါအပြင် စစ်တပ်က အင်အားထပ်တိုးတာနဲ့ စစ်ရေးပြင်ဆင်တာ တချို့လည်းရှိတယ်လို့ စစ်ရေး သတင်းအရင်းမြစ်တချို့က ပြောပါတယ်။