ဒီဇင်ဘာ-၃၊ ၂၀၂၅။ဟာနာဆန်/People’s Spring
မန္တလေးတိုင်း၊ စဉ့်ကိုင်မြို့နယ်မှာ ရထားနဲ့ အိမ်စီးကားတိုက်မှုဖြစ်ပွားပြီး ကားပေါ်လိုက်ပါလာသူ ၃ ဦးသေဆုံးခဲ့ကြောင်း ဒေသခံများက ပြောပါတယ်။
ဒီကနေ့ ဒီဇင်ဘာ ၃ ရက် မနက် ၇ နာရီ မိနစ် ၄၀ခန့်က စဉ့်ကိုင်မြို့၊ ပတ္တာရွာအနီး ရန်ကုန်-မန္တလေးရထားလမ်းမှာ အိမ်စီးကားနဲ့ ရထားတိုက်မှုဖြစ်ပွားခဲ့ကြောင်း ဒေသခံများက ပြောပါတယ်။
“ဘုရားတည်ဖို့ ရက်သွားရွေးတာ ငါးယောက်ပါတာ သုံးယောက်ဆုံးသွားပြီ။”လို့ ဒေသခံတစ်ဦးက ပြောပါတယ်။
Public Service Announcement
ကားက ရထားလမ်းကိုဖြတ်ကူးချိန် တိုက်မိခဲ့တာဖြစ်ပြီး ရထားလမ်းဘေး ခြုံတွေကွယ်နေတာကြောင့် နယ်ခံမဟုတ်တဲ့ကားသမားက ရထားလာတာကို မသိလိုက်တာဖြစ်နိုင်ကြောင်း ဒေသခံတွေက သုံးသပ်ပါတယ်။
သေဆုံးသူတွေထဲမှာ သက်ကြီးပိုင်းတွေလည်း ပါဝင်ပြီး နွားထိုးကြီးမြို့နယ်၊ ရွာကြီးရွာသစ်ကဖြစ်ကြောင်း ဒေသခံတွေဆီက သိရပါတယ်။
ဒဏ်ရာရသူ ၂ ဦးကိုလည်း ဆက်လက်ဆေးကုသနေဆဲဖြစ်ကြောင်း သတင်းရရှိပါတယ်။
