ဒီဇင်ဘာ – ၁၆ ၊၂၀၂၅ ၊ နိုင်ပကောင်း/People’s Spring
ကရင်ပြည်နယ်၊ မြ၀တီမြို့နယ်ထဲက အွန်လိုင်းလိမ်လည်မှု(ကျားဖြန့်)တွေ ကို အမြစ်ဖြတ်ရှင်းလင်းဖို့ဆိုပြီး မြန်မာ၊ တရုတ်၊ ထိုင်း သုံးပွင့်ဆိုင်အဖွဲ့ဟာ ဟာ မနေ့ (ဒီဇင်ဘာ ၁၅ ရက်) က မြ၀တီမြို့မှာ တွေ့ဆုံဆွေးနွေးခဲ့ကြတယ်လို့ စစ်ကောင်စီက သတင်းထုတ်ပြန်ထားပါတယ်။
ကျားဖြန့် ကင်းစင်ပပျောက်ဖို့ အပါအဝင် အွန်လိုင်းလိမ်လည်မှုနဲ့ ဆက်စပ်ပတ်သက်သူတွေကို သက်ဆိုင်ရာနိုင်ငံတွေဆီ ပြန်လည်လွှဲပြောင်းရာမှာ အဆင်ပြေစေဖို့ဆိုပြီး ပူးပေါင်းဆောင်ရွက်ရမယ့်ကိစ္စတွေကိုဆွေးနွေးခဲ့တာလို့ စစ်ကောင်စီက ဆိုပါတယ်။
မနေ့ မနက်ပိုင်းမှာတော့ တရုတ်နိုင်ငံ၊ ပြည်သူ့လုံခြုံရေးဆိုင်ရာဝန်ကြီး ဌာန၊ လက်ထောက်ဝန်ကြီး မစ္စတာလျိုကျုံးရိလည်း ထိုင်း-မြန်မာနယ်စပ် မြ၀တီမြို့ကို ရောက်ရှိလာခဲ့တာပါ။
Public Service Announcement
အဲဒီနောက် တရုတ်ဝန်ကြီးပါဝင်တဲ့ တရုတ်၊ မြန်မာ၊ ထိုင်းအဖွဲ့ဟာ မြ၀တီမြို့နယ်ထဲက ကျားဖြန့်လုပ်ငန်းတွေမင်းမူခဲ့တဲ့ KK Park နယ်မြေထဲကို သွား ရောက်ပြီး လုပ်ငန်းလည်ပတ်ခဲ့ရာ အဆောက်အဦးတွေ ဖြိုချဖျက်ဆီးထားတာ တွေကို ကြည့်ရှုစစ်ဆေးခဲ့တယ်လို့ စစ်ကောင်စီက ထုတ်ပြန်ပါတယ်။
KK Park က တဆင့် နောက်ထပ် ကျားဖြန့် လုပ်ငန်းတွေရှိရာ စစ်တပ်လက်အောက်ခံကရင့်နယ်ခြားစောင့်တပ် (BGF)ထိန်းချုပ်ဧရိယာရွှေကုက္ကိုနယ်မြေဆီဆက်လက်သွားရောက်ပြီးကျားဖြန့်လုပ်ငန်းလည်ပတ်ခဲ့တဲ့ အဆောက် အဦးတွေကို လှည့်လည်ကြည့်ရှုခဲ့တယ်လို့ စစ်ကောင်စီရဲ့ သတင်းထုတ်ပြန်ချက်မှာပါရှိပါတယ်။
ဒါအပြင်မြ၀တီမြို့ပေါ်က BGF လုံခြုံရေးနဲ့ စည်းကမ်းထိန်းသိမ်းရေး ကွပ်ကဲရေးရုံးမှာ ထိန်းသိမ်းထားတဲ့ ကျားဖြန့်လုပ်သား တရုတ်နိုင်ငံသားတွေကို စစ်ဆေးခဲ့တယ်လို့ ထုတ်ပြန်ထားပါတယ်။
ဓာတ်ပုံ – The Reporters
