'/%3E%3C/svg%3E){kind=small}
ဒီဇင်ဘာ-၂၁၊၂၀၂၅။ သုည/People’s Spring
စစ်ကိုင်းနဲ့ တနင်္သာရီတိုင်းအတွင်းက သပိတ်အဖွဲ့တွေ၊ ဒေသခံပြည်သူတွေဟာ စစ်တပ်ရွေးကောက်ပွဲဆန့်ကျင်ရေး ဆန္ဒပြသပိတ်လှုပ်ရှားမှုတွေကို ဒီကနေ့ (ဒီဇင်ဘာ ၂၁) မှာ ပြုလုပ်ခဲ့ပါတယ်။
ဓာတ်ပုံ – ရွာပေါင်းစုံသပိတ်၊ စစ်ကိုင်းသပိတ်အင်အားစု၊ GSCB၊ DDMSC ၊ဘုတလင်မြို့နယ်သပိတ်အင်အားစု ဓာတ်ပုံ – ရွာပေါင်းစုံသပိတ်၊ စစ်ကိုင်းသပိတ်အင်အားစု၊ GSCB၊ DDMSC ၊ဘုတလင်မြို့နယ်သပိတ်အင်အားစု ဓာတ်ပုံ – ရွာပေါင်းစုံသပိတ်၊ စစ်ကိုင်းသပိတ်အင်အားစု၊ GSCB၊ DDMSC ၊ဘုတလင်မြို့နယ်သပိတ်အင်အားစု ဓာတ်ပုံ – ရွာပေါင်းစုံသပိတ်၊ စစ်ကိုင်းသပိတ်အင်အားစု၊ GSCB၊ DDMSC ၊ဘုတလင်မြို့နယ်သပိတ်အင်အားစု ဓာတ်ပုံ – ရွာပေါင်းစုံသပိတ်၊ စစ်ကိုင်းသပိတ်အင်အားစု၊ GSCB၊ DDMSC ၊ဘုတလင်မြို့နယ်သပိတ်အင်အားစု
စစ်ကိုင်းတိုင်းကလေးမြို့နယ်မှာ လူထုတိုက်ပွဲဦးဆောင်ကော်မတီက ဇိုမီးဖက်ဒရယ်အစည်းအရုံး-ZFU နဲ့အတူပူးပေါင်းကာ စစ်ကောင်စီရွေးကောက်ပွဲဆန့်ကျင်ကြောင်း ဖော်ဆောင်တဲ့ ဆိုင်းဘုတ်(ပိုစတာ) တွေကို ကလေး-တီးတိန်-ရိဒ် (မြန်မာ-အိန္ဒိယ နယ်စပ်ကုန်သွယ်ရေးလမ်း) လမ်းတလျှောက်မှာ လိုက်လံစိုက်ထူခဲ့ကြပါတယ်။
အလားတူဘုတလင်မြို့အနီးနဲ့ မုံရွာ-ဘုတလင်ကားလမ်းမပေါ်တွေမှာ တရားမဝင်အတုယောင်ရွေးကောက်ပွဲဆန့်ကျင်ကြောင်း Billboard တွေကို ဘုတလင်မြို့နယ် သပိတ်အင်အားစုနဲ့ ဒေါင်းရာဇာပင်မ သပိတ်စစ်ကြောင်း တို့ ပူးပေါင်းပြီး သွားရောက်စိုက်ထူခဲ့ပါတယ်။စစ်ကိုင်းတိုင်းထဲက မုံရွာ၊ ရွှေဘိုနဲ့ မြောင်မြို့နယ်တွေမှာ စစ်ကောင်စီ ရွေးကောက်ပွဲကို ဆန့်ကျင်ကြဖို့ ဘေဘုတ်တွေ ဆက်တိုက်စိုက်ထူနေပါတယ်။
Public Service Announcement
ယင်းမာပင်မြို့နယ်မှာလည်း အောင်လံလွှင့်မည်ဒေါင်းသွေးနီ၊ တော်လှန်ပုန်ကန်ဒေါင်းတို့အားမာန်၊ နောက်ပြန်မလှည့်ကြေးဒီတော်လှန်ရေးသပိတ်စစ်ကြောင်းတို့က စစ်တပ်က ပြုလုပ်မယ့် ရွေးကောက်ပွဲကို ဆန့်ကျင်ကြောင်း “သင့်မဲဖြင့်တရားဝင် လူသတ်ခွင့် မပေးနဲ့ ” စာသားကိုင်ဆောင်ကာ ချီတက်ဆန္ဒပြခဲ့ပါတယ်။
တနင်္သါရီတိုင်း ထားဝယ်ခရိုင် လောင်းလုံးမြို့မြို့တော်ခန်းမအနီးမှာလည်း ဒီမိုကရေစီအရေးလှုပ်ရှားမှုသပိတ်ကော်မတီကနေ ဦးဆောင်ပြီး “အတုအယောင်ရွေးကောက်ပွဲ ဆန့်ကျင်ရေး” လှုပ်ရှားမှု ပြုလုပ်ခဲ့ပါတယ်။
အဆိုပါ လှုပ်ရှားမှုမှာ စစ်အာဏာရှင်စနစ်ဆန့်ကျင်ရေးကြွေးကြော်သံတွေ ကြွေးကြော်ပြီး စစ်တပ်ကျင်းပမယ့် ရွေးကောက်ပွဲ ဆန့်ကျင်ရေး လက်ကမ်းစာစောင်တွေ ဖြန့်ကြဲခဲ့ပါတယ်။
ဒါ့အပြင် လောင်းလုံးမြို့အဝင်မှာလည်း “ဖက်ဆစ်ရွေးကောက်ပွဲကို သပိတ်မှောက်၊ ဖက်ဒရယ်လမ်းကို ရဲရဲလျှောက်” စာတန်းပါ ဘန်နာချိတ်ဆွဲခဲ့ပါတယ်။
