'/%3E%3C/svg%3E){kind=small}
“တိုင်းပြည်အာဏာကို ဓါးပြတိုက်သိမ်းယူသည့် သောင်းကျန်းသူစစ်အုပ်စုအလိုမရှိ “လို့စာရေးသား ဆန္ဒပြထုတ်ဖော်
ဒီဇင်ဘာ-၂၈၊၂၀၂၅/People’s Spring
စစ်ကောင်စီရွေးကောက်ပွဲ ဆန့်ကျင်ကန့်ကွက်တဲ့အနေနဲ့ ကရင်လူငယ်အစည်းအရုံးက ဦးဆောင်ပြီး မြို့နယ် သုံးခုမှာ ထောင်နဲ့ချီတဲ့ ကရင်ပြည်သူတွေက ဒီကနေ့ ဒီကနေ့ ဒိဇင်ဘာ ၂၈ရက်မှာ ချီတက်ဆန္ဒထုတ်ဖော်ခဲ့ကြပါတယ်။
ကရင်ပြည်နယ်၊ ဖားအံမြို့နယ်၊ ဘူးသိုမြို့နယ်နဲ့ သထုံမြို့နယ်တို့မှာ အင်အားထောင်နဲ့ချီတဲ့ ပြည်သူတွေက စစ်ကောင်စီရွေးကောက်ပွဲ ဆန့်ကျင်ဆန္ဒပြခဲ့ကြတာ ဖြစ်ပါတယ်။
Public Service Announcement
“တိုင်းပြည်အာဏာကို ဓါးပြတိုက်သိမ်းယူသည့်
သောင်းကျန်းသူစစ်အုပ်စုအလိုမရှိ “လို့ရေးထားတဲဲ့ဆိုင်းဘုတ်တွေနဲ့ ဆန္ဒပြခဲ့ကြပါတယ်။
ကရင်ပြည်နယ်၊ ဖားအံမြို့နယ်မှာ ပြုလုပ်တဲ့ ရွေးကောက်ပွဲဆန့်ကျင်ရေးဆန္ဒပြပွံမှာ ဒေသခံပြည်သူလူထု ၄၀၀၀ ခန့်တက်ရောက်ပြီး ဆိုင်ကယ်တွေ၊ ကားတွေနဲ့အပြင် ခြေလျင်နဲ့လည်း ချီတက်ဆန္ဒပြခဲ့ကြတာလို့ ကေဝိုင်အို-ကရင်လူငယ်အစည်းအရုံးက ထုတ်ပြန်ပါတယ်။
ဖာပွန်ခရိုင် ဘူးသိုမြို့နယ်မှာလည်း ဒေသခံပြည်သူ တစ်ထောင်ခန့် တက်ရောက်ဆန္ဒပြခဲ့တာလို့ ကရင်လူငယ်အစည်းအရုံးက ဆိုပါတယ်။
ဒါ့အပြင် သထုံမြို့နယ်မှာလည်း ဒေသခံပြည်သူ ၂၅၀၀ခန့်က ဆိုင်ကယ်တွေ၊ ကားတွေနဲ့ ချီတက်ခဲ့ကြတာလို့ ထုတ်ပြန်ပါတယ်။
နှစ်ပေါင်း (၇၀)ကျော် လူမျိုးပေါင်းစုံပြည်သူလူထုအပေါ် ကြီးလေးတဲ့ ရာဇဝတ်မှုတွေ ကျူးလွန်တဲ့ အာဏာသိမ်း သောင်းကျန်းသူ စစ်အုပ်စုအဆက်ဆက်ဟာ ၎င်းတို့ရဲ့ အာဏာ သက်ဆိုးရှင်ရေးအတွက် နဲ့ လူမျိုးပေါင်းစုံပြည်သူလူထုတွေအပေါ် ရာဇဝတ်မှုတွေ ဆက်လက်ကျူးလွန်ဖို့ ပြုလုပ်မယ့် အတုအယောင်ရွေးကောက်ပွဲကို ပြည်သူလူထုနဲ့ အတူ တော်လှန်တိုက်ဖျက်သွားမယ်လို့ ကရင်လူငယ်အစည်းအရုံးက ထုတ်ပြန်ပါတယ်။
