ဒီဇင်ဘာ-၃၁၊၂၀၂၅။အိမ်သွင်/People’s Spring
ဒီဇင်ဘာလ၂၉ရက်နေ့ကလေကြောင်းကနေ ဗုံးကြဲလို့ ကလေးငယ်တွေအပါအဝင် ကိုးဦးသေဆုံးပြီး ၂၀ကျော်ဒဏ်ရာရခဲ့တဲ့သံတွဲမြို့ကို ဒီကနေ့ညမှာ အာဏာသိမ်းစစ်ကထပ်မံဗုံးကြဲသွားပါတယ်။
သံတွဲမြို့၊အမှတ်(၁)ရပ်ကွက်အတွင်းကိုဒီဇင်ဘာလ (၃၁) ရက်၊ ညဦးပိုင်း ၇ နာရီ ၂၈ မိနစ်အချိန်မှာ စစ်ကောင်စီကဗုံးကြဲသွားလို့လူနေအိမ်အချို့မီးလောင်နေတယ်လို့ အာရက္ခတပ်တော်(AA)က သတင်းထုတ်ပြန်ထားပါတယ်။
ထိသေဆုံးမှုအခြေအနေကိုတော့လောလောဆယ်
Public Service Announcement
မသိရသေးဘူးလို့ AAက ထုတ်ပြန်ထားပါတယ်။အောက်တိုဘာလ၂၉ရက်နေ့ညက သံတွဲမြိုနယ်၊ ငပလီမြို့ကို စစ်ကောင်စီက လေကြောင်းကနေ ဗုံးကြဲလို့ ကလေးငယ် သုံးဦးအပါအဝင် ကိုးဦးသေဆုံးပြီး ၂၃ ဒဏ်ရာရခဲ့ပါတယ်။ နေအိမ် ၂၃ လုံးလည်းပျက်စီးခဲ့ပါတယ်။
စစ်ကောင်စီကနိုင်ငံအနှံ့နေကြောင်းကနေ ဗုံးကြဲနေလို့ ခရစ္စမတ်နဲ့နှစ်သစ်ကူးကာလမှာ ပျော်ပွဲရွှင်ပွဲတွေမလုပ်ကြဖို့ တော်လှန်ရေးတပ်ဖွဲ့တွေကသတိပေးထားပါတယ်။
