ခင်ဦးမြို့နယ်ကကျောင်းကို စစ်တပ်ဗုံးကြဲ က​လေးငယ်အပါအဝင်စစ်​ရှောင်ပြည်သူ၅ဦးသေဆုံး

ဇန်နဝါရီ-၅၊၂၀၂၆။ရှိန်း/People’s Spring

စစ်ကိုင်းတိုင်း၊ခင်ဦးမြို့နယ်အရှေ့ခြမ်း၊ကုန်းကြီးရွာစာသင်ကျောင်းကိုစစ်တပ်က ဒီ​က​နေ့ညမှာတိုက်လေယာဥ်နဲ့ဗုံးကြဲခဲ့တာ​ကြောင့်ကလေးငယ်တွေအပါအဝင် စစ်​ရှောင်ပြည်သူ ၅ ဦး ပွဲချင်းပြီးသေဆုံးပြီး ဒဏ်ရာရသူတွေများပြားတယ်လို့ ​ဒေသခံ​တွေဆီက ကနဦးသတင်းရရှိပါတယ်။

ဇန်နဝါရီလ ၅ရက်ည၈နာရီ ကျော်မှာ ကုန်းကြီးရွာ စာသင်ကျောင်းကို စစ်တပ်ကဂျက်ဖိုက်တာနဲ့ ဗုံးလာကြဲသွားတာလို့ သိရပါတယ်။

“ မတ္တရာမြို့နယ်ကစစ်ရှောင်ပြည်သူတွေနေတဲ့ စာသင်ကျောင်းပါ” လို့ ဒေသခံတဦးက ပြောပါတယ်။

Public Service Announcement

သေဆုံးဓါတ်ပုံ​တွေထဲမှာ လသားအရွယ်အိပ်နေတဲ့က လေးငယ်ထိမှန် သေဆုံးတဲ့ပုံကို​တွေ့ရပါတယ်။​လေးငယ်အပါအဝင် စစ်ရှောင်ပြည်သူ ၅ဦးပွဲ
ချင်းပြီး သေဆုံးတယ်လို့ ‌‌‌‌‌‌‌‌‌‌‌‌‌​ဒေသခံအချို့က​ပြောပါတယ်။ဒါ့အပြင်အထိခိုက်ဒဏ်ရာရသူ​တွေလည်းများနိုင်တယ်လို့ဆိုပါတယ်။

မန္တလေးတိုင်းက မတ္တရာ၊စဉ့်ကူး၊သပိတ်ကျင်းနယ် တွေကို စစ်တပ်က စစ်ကြောင်းထိုးနေတာမို့ ဒေသခံသောင်းနဲ့ချီ စစ်ရှောင်နေရပါတယ်။စစ်တပ် စစ်​ကြောင်း​တွေဟာ ဝက်လက်နယ်အထိ ရှိ​နေတာမို့ စစ်ရှောင်ပြည်သူတွေဝေးတဲ့​နေရာတွေ အထိ သွား ​ရောက်တိမ်းရှောင်နေကြရတယ်လို့ ​ဒေသခံ​တွေက​ပြောပါတယ်။

ဒါအပြင် ဇန်နဝါရီ ၅ ရက်မှာလည်း မတ္တရာမြို့နယ်အနောက်ခြမ်းကထွက်လာတဲ့ စစ်တပ်စစ်ကြောင်းက စဉ့်ကူးမြို့နယ်၊ဟင်္သာမအုပ်စုကို မီးရှို့ခဲ့တယ်လို့ ​ဒေသခံအချို့က​ပြောပါတယ်။