တပ်မ(၃၃)မှစစ်သား​တွေက ဝက်လက်မှာ ဒေသခံအမျိုးသမီး ၅ဦးကိုအုပ်စုဖွဲ့ အဓမ္မပြုကျင့်

ဇန်နဝါရီ၅၊၂၀၂၆၊ရှိန်း/People’s Spring

အာဏာသိမ်း စစ်တပ်ရဲ့ တပ်မ(၃၃) နဲ့ ပျူ​စောထီး​တွေ​ပေါင်းထားတဲ့ စစ်​ကြောင်းက စစ်ကိုင်းတိုင်း၊ဝက်လက်မြို့နယ်အရှေ့ခြမ်းကို စစ်ကြောင်းထိုးပြီး ဒေသခံ အမျိုးသမီး၅ဦးကို အုပ်စုဖွဲ့အဓမ္မပြုကျင့်ခဲ့တယ်လို့ ​ဒေသခံ​တွေက​ပြောပါတယ်။

စစ်တပ်စစ်​ကြောင်းဟာ ​ဒေသခံပြည်သူငါးဦးကို အဓမ္မပြုကျင့်ပြီး​တော့သန္ဓေတားဆေးပါထိုးပြီးပြန်လွှတ်ခဲ့တယ်လို့ ဒေသခံ တွေဆီကစုံစမ်းသိရပါတယ်။

ဒီဇင်ဘာလနောက်ဆုံးပတ်ကရှိမ်းမကားရွာရဲစခန်းက နေထွက်လာတဲ့အင်အား၁၅၀ပါ စစ်ကြောင်းဟာ ရှိမ်းမကားရဲ့ မြောက်ဘက်က ရွာသစ်ရွာမှာ ယာယီအထိုင်ချခဲ့ပါတယ်။အဲဒီစစ်ကြောင်းထွက်လာစဉ် ဒေသခံပြည်သူ​တွေကိုဖမ်းဆီးခဲ့ပါတယ်။

Public Service Announcement

ဖမ်းဆီးခံရတဲ့ပြည်သူ​တွေထဲက ရွာသစ်ရွာရဲ့ မြောက်ဘက် အင်ဒေါင်းရွာကအမျိုးသမီး၄ဦး၊မင်းရွာထောင်ရွာက အမျိုးသမီး၁ဦးတို့ကို ရွာသစ်ရွာကိုဖမ်းဆီးပြီး ၃ရက်တိုင်အဓမ္မပြုကျင့်ခဲ့တာလို့ သတင်းရရှိပါတယ်။

“ သတ်လက်ပိုင်း အမျိုးသမီးတွေပါ။တဦးကတော့ ၄၀ ကျော်ပါတယ်။ဒီအမျိုးသမီး၅ဦးထဲမှာ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌တဦးကဘစိတ်သိပ်မအောင်ဘူးလို့သိရတယ်” လို့ ဒေသခံတဦးက ပြောပါတယ်။

စစ်သားနဲ့ ပျူ​တွေကအမျိုးသမီးတွေကိုအုပ်စုဖွဲ့အဓမ္မပြုကျင့်ပြီး ဇန်နဝါရီလ၃ရက် နေ့မှာ သန္ဓေတားဆေးထိုးကာ ပြန်လွှတ်ပေးခဲ့တယ်လို့ ​ဒေသခံအချို့က​ပြောပါတယ်။ ကျူးလွန်ခံရတဲ့ အမျိုးသမီးတွေဟာ ရှက်ရွံ့မှု ၊​ကြောက်လန့်မှုကြောင့်ဒီဖြစ်စဉ်ကို ထုတ်ဖော်မပြောရဲကြပါဘူး။

လက်ရှိမှာအဲဒီစစ်ကြောင်းဟာ မြောက်ဘက်ကို ဆက်ထွက်နေပြီး ကမ်းဖြူ နဲ့ မှော်ဦးရွာအ နောက်ဘက်မှာ ရှိတယ်လို့ သိရပါတယ်။

စစ်တပ်ဟာ ၂၀၂၅ နှစ်ကုန်ပိုင်းမှာ စစ်ကိုင်းတိုင်းက​တော်လှန်​ရေးအား​ကောင်းတဲ့​ဒေသ​တွေကို စစ်​ကြောင်းထိုးအကြမ်းဖက်တာ ၊ဗုံးကြဲသတ်ဖြတ်တာ​တွေဆက်တိုက်လုပ်ခဲ့ပါတယ်။ စစ်တပ်စစ်​ကြောင်း​တွေဟာ ​ဒေသခံပြည်သူ​တွေကို အုပ်စုဖွဲ့ အဓမ္မကျင့်တာ ၊အဓမ္မပြုကျင့်သတ်ဖြတ်တာ​တွေ ​ဒေသအနှံမှာ ပြုလုပ်​လေ့ရှိပြီး ယခုလပိုင်းအတွင်း ရှမ်းပြည်နယ်​မြောက်ပိုင်း သီ​ပေါမြို့နယ်မှာ နဲ့ မန္တ​လေးတိုင်း မြင်းခြံမြို့နယ်မှာလည်း ကျူးလွန်ခဲ့ကြပါတယ်။