■နိုင်ငံတကာက စစ်ကောင်စီရွေးကောက်ပွဲရလာဘ် လက်မခံကြောင်းပြသပေးဖို့ တောင်းဆို
ဇန်နဝါရီ-၂၇၊၂၀၂၆။တေဇ/People’s spring
ကိုရီးယား၊ ဂျပန် နဲ့ ဩစတေးလျနိုင်ငံတွေက မြန်မာတွေ စုပေါင်းပြီး စစ်တပ်ရွေးကောက်ပွဲကိုလုံးဝဆန့်ကျင်ကြောင်းထုတ်ပြန်ချက်ကို ကိုရီးယားသမ္မတရုံးကို ပေးပို့ခဲ့ပါတယ်။
ဒီနေ့ (ဇန်နဝါရီ၂၇) နံနက်မှာ ကိုရီးယားသမ္မတရုံးရဲ့ရှေ့မှာ ကိုရီးယား၊ ဂျပန်၊ ဩစတေးလျနိုင်ငံက မြန်မာတွေအနေနဲ့ စစ်ကောင်စီရွေးကောက်ပွဲကို အသိအမှတ်မပြုကြောင်း သတင်းစာရှင်းလင်းပွဲလုပ်ခဲ့တာဖြစ်ပြီး ထုတ်ပြန်ချက်ကို သမ္မတရုံးကိုပေးပို့ခဲ့တာလို့ NUGကိုယ်စားလှယ်ရုံး(ကိုရီးယား)က ထုတ်ပြန်ထားပါတယ်။
Public Service Announcement
နိုင်ငံတကာအစိုးရတွေအနေနဲ့စစ်ကောင်စီရဲ့ ရွေးကောက်ပွဲရလာဘ်ကို လက်မခံကြောင်းကို အတိအလင်းထုတ်ဖော်ပြသဖို့ တိုက်တွန်းထားတယ်လို့ဆိုပါတယ်။
ဒါ့အပြင် အမျိုးသားညီညွှတ်ရေးအစိုးရနဲ့ ပိုမိုပူးပေါင်းပြီး လက်တွေ့ကျတဲ့ လူသားချင်းစာနာတဲ့ အကူအညီတွေပေးဖို့လည်းတောင်းဆိုထားပါတယ်။
ဒီပွဲကို ကိုရီးယားမှာရှိတဲ့ မြန်မာတော်လှန်ရေးအဖွဲ့အစည်း ၄၀ ပါဝင်တဲ့ “စစ်အုပ်စုရွေးကောက်ပွဲ ဆန့်ကျင်ရေး ပူးပေါင်းလှုပ်ရှားမှု ကော်မတီ”က တာဝန်ခံပြုလုပ်တာဖြစ်ပြီး ကိုရီးယားအရပ်ဖက် အဖွဲ့အစည်း တွေ ပူးပေါင်းပါဝင်ကြတယ်လို့သိရပါတယ်။
