ဖေဖော်ဝါရီ-၅၊၂၀၂၆။ဟာနာဆန်/People’s Spring
မကွေးတိုင်း၊ မြိုင်မြို့နယ်က ကြားကာလပညာသင်ကျောင်းကို စစ်တပ်က လေကြောင်းကနေဗုံးကြဲလို့ ပြည်သူတစ်ဦးဒဏ်ရာရပြီး နေအိမ်၂လုံးပျက်စီးခဲ့တယ်လို့ဒေသခံတွေကပြောပါတယ်။
ဖေဖော်ဝါရီ ၄ ရက် ညနေ ၅ နာရီ မိနစ်၄၀ခန့်က မြိုင်မြို့နယ်မြောက်ပိုင်းက မြောက်ဆည်ရွာကို စစ်တပ်က ဂျက်ဖိုက်တာတစ်စီးနဲ့ တိုက်ပွဲဖြစ်ပွားခြင်းမရှိပဲ ဗုံးကြဲခဲ့တာကြောင့်အမျိုးသမီးတဦး ထိခိုက်ဒဏ်ရာ ရရှိခဲ့ကြောင်း We Love Myaing အဖွဲ့က ပြောပါတယ်။
“ယာယီတဲနဲ့သင်တဲ့ ကြားကာလစာသင်ကျောင်းကိုချတာ။ ဗုံးသီး၂လုံးချတယ်။ စက်လက်နဲ့နှစ်ကြိမ်ဆွဲတယ်။ ထိခိုက်ဒဏ်ရာရတဲ့အမျိုးသမီးကတော့ စိုးရိမ်စရာမရှိဘူးပြောတယ်။”လို့ အညာမြေအရပ်ဖက်လူမှုအဖွဲ့အစည်း-မြိုင်ရဲ့ တာဝန်ရှိသူ ဆရာထွေးက ပြောပါတယ်။
Public Service Announcement
ဒါ့အပြင်နေအိမ်၂လုံးလည်း ပျက်စီးပြီး နွားတစ်ကောင်သေဆုံးခဲ့တယ်လို့ ဒေသခံတွေကပြောပါတယ်။
စစ်ကောင်စီတပ်ဟာ ဖေဖော်ဝါရီ ၅ ရက်နေ့မှာလည်း စစ်ကိုင်းတိုင်း၊ တန့်ဆည်မြို့နယ်၊ သစ္စေးကုန်းကျေးရွာကို လေကြောင်းတိုက်ခိုက်ခဲ့ရာ ကိုရင်တစ်ပါးနဲ့ ပြည်သူ ၅ ဦး သေဆုံးခဲ့ပါသေးတယ်။
