ဖေဖော်ဝါ-ရီ ၇၊၂၀၂၆။ဟာနာဆန်/People’s Spring
မကွေးတိုင်း၊ မြိုင်မြို့နယ်ကို လေကြောင်းထပ်မံတိုက်ခိုက်လို့ ပြည်သူ ၄ဦးဒဏ်ရာရပြီး နေအိမ်တစ်လုံး ပျက်စီးခဲ့ပါတယ်။
ဖေဖော်ဝါရီ ၄ရက်က မြိုင်မြို့နယ်မြောက်ပိုင်းကို စစ်တပ်က လေကြောင်းတိုက်ခိုက်ပြီးနောက် မနေ့က ဖေဖော်ဝါရီ ၆ရက် ညနေ ၄နာရီ မိနစ် ၄၀ခန့်ကလည်း မြိုင်မြို့အနောက်မြောက်ဘက်က ရွာသစ်ကြီးကျေးရွာကို ဂျက်ဖိုက်တာနဲ့ အကြောင်းမဲ့ လေကြောင်းတိုက်ခိုက်မှု နှစ်ကြိမ် ပြုလုပ်သွားတယ်လို့ We Love Myaingအဖွဲ့က ပြောပါတယ်။
အဲဒီတိုက်ခိုက်မှုကြောင့် ရွာသစ်ကြီးကျေးရွာကအမျိုးသား ၃ ဦး၊ အမျိုးသမီး ၁ဦးထိခိုက်ဒဏ်ရာရကာ နေအိမ်တစ်လုံး ပြိုကျပျက်စီးခဲ့ရတယ်လို့ We Love Myaingအဖွဲ့က ပြောပါတယ်။
Public Service Announcement
“ဒီရက်ပိုင်းက ပေါက်၊ မြိုင်နဲ့ ပခုက္ကူခရိုင်အနောက်ပိုင်းဒေသတွေကို လေကြောင်းတိုက်ခိုက်တာတွေ လုပ်နေတယ်”လို့ ဒေသတွင်းတော်လှန်ရေးရဲဘော်တစ်ဦးက ပြောပါတယ်။
ဖေဖော်ဝါရီ ၄ ရက်က လေကြောင်းတိုက်ခိုက်မှုမှာလည်း ကြားကာလပညာသင်ကျောင်း တိုက်ခိုက်ခံရတာဖြစ်ပြီး ပြည်သူတစ်ဦးဒဏ်ရာရပြီး နေအိမ်၂လုံးပျက်စီးခဲ့ပါသေးတယ်။
