စစ်တပ်ကနွားထိုးကြီးမြောက်ခြမ်းကရွာ​တွေကိုစစ်​ကြောင်းထိုးပြီးအမျိုးသမီး ၄ ဦးကိုအဓမ္မပြုကျင့်

■စစ်တပ်က​ကျေးရွာ ၁၀ ရွာထက်မနည်းကို စစ်​ကြောင်းထိုးမီးရှို့လို့ ဒေသခံပြည်သူ​တွေထွက်​ပြေး​နေရ

ဖေဖော်ဝါရီ-၁၀၊၂၀၂၆။ရှိန်း/ People’s Spring

မန္တလေးတိုင်း၊နွားထိုးကြီးမြို့နယ်မြောက်ခြမ်းက ကျေးရွာတွေကို စစ်တပ်က စစ်ကြောင်းထိုးမီးရှို့တာ​ကြောင့် ရွာ ၁၀ ရွာထပ်မနည်း မီး​လောင်ပျက်စီးခဲ့သလို ​ဒေသခံအမျိုးသမီးလေးဦးကိုလည်းစစ်တပ်က အဓမ္မပြုကျင့်ခဲ့တယ်လို့ ဒေသခံ တွေက​ပြောပါတယ်။

ဒီဇင်ဘာလကုန်ပိုင်းလောက်ကစပြီး နွားထိုးကြီးမြို့ပေါ်နဲ့ မြို့သာစက်မှုဇုန်ဘက်က နေအင်အား၁၀၀ ကျော်ပါစစ်တပ်ကြောင်း၅ကြောင်းလောက်နဲ့ နွားထိုးကြီးမြို့ရဲ့ မြောက်ဘက်က ကျေးရွာတွေကို စစ်ကြောင်းထိုးဝင်ရောက်မီးရှို့ပြီးဖမ်းမိတဲ့အမျိုးသမီး‌တွေကိုအဓမ္မပြုကျင့်နေတာလို့သိရပါတယ်။

Public Service Announcement

အဓမ္မပြုကျင့်ခံရသူတွေ ဟာ မြဝတီရွာကအမျိုးသမီး ၃ ဦးနဲ့ တော်ဝေးရွာက အမျိုးသမီး၁ဦး တို့ဖြစ်တယ်လို့ စုံစမ်းသိရပါတယ်။အဓမ္မပြုကျင့်ခံတဲ့အမျိုးသမီး ​လေးဦးထဲမှာ အသက် ၅၀ အရွယ်၊တစ်ဦး နဲ့ အသက် ၆၀ ဝန်းကျင်အရွယ်အမျိုးသမီးတဦးလည်းပါဝင်တယ်လို့ ​ဒေသခံအချို့က​ပြောပါတယ်။အသက် ၆၀ ဝန်းကျင်အရွယ်အမျိုးသမီးဟာ စစ်​ကောင်စီလက်​အောက်ခံရဲတစ်ဦးရဲ့ မိခင်ဖြစ်​ပေမယ့် စစ်တပ်က အဓ္ဓပြုကျင့်ခဲ့တာဖြစ်တယ်လို့​ဒေသခံအချို့က​ပြောပါတယ်။

“တချို့ လူတံတိုင်းအဖြစ် ဖမ်းခံထားရပါတယ်။ ကျွန်းဒေါင့်ရွာက ကျန်နေတဲ့ သူတချို့လည်း လူတံတိုင်း ဖမ်းထားခံရ တာရှိပါတယ်။စစ်တပ်က ပြေးရင် ပစ်သတ်မယ် ပြောထားပါတယ်။”လို့​ဒေသခံတဦးက​ပြောပါတယ် ။

ဒါအပြင် ကနဦးအဖမ်းခံရသူတွေက တချို့ကို ဖုန်းဆက်ပြီးလိမ်ခေါ်ပေးရလို့ ထပ်အဖမ်းခံရတဲ့သူ​တွေလည်းရှိ​နေတယ်လို့ ​ဒေသခံအချို့က​ပြောပါတယ်။

ဖေ‌ဖော်ဝါရီလ၆ရက်နေ့ကမြဝတီရွာကို စစ်တပ်က ဝင် ရောက်မီးရှို့ခဲ့ပြီး ​ဖေ​ဖော်ဝါရီ ၇ရက်နေ့မှာ ကျွန်းဒေါင့် နဲ့ ဝက်လူးရွာ​တွေကို ထပ်မံမီးရှို့ဖျက်ဆီးသွားတယ်လို့ ​ဒေသခံ​တွေက​ပြောပါတယ်။ဖေဖော်ဝါရီလ၉ ရက်နေ့မှာလည်း မြဝတီရွာကိုစစ်တပ်က ထပ်မံ မီးရှို့ခဲ့တယ်လို့ ​​ဒေသခံအချို့က​ပြောပါတယ်။

စစ်တပ်က စစ်​ကြောင်းထိုးအကြမ်းဖက်တာ​ကြောင့် မြဝတီ၊ဆေးခင်းကြီး၊ရွာသာအေး၊ဇီ၊ကျွန်းထောင့် ၊ဝက်လူး၊အောင်မြေစံ၊ပဲချက်၊မကျီးကုန်း၊အောင်ချမ်းသာစတဲ့ရွာတွေကဒေသခံပြည်သူတွေစစ် ဘေးတိမ်းရှောင်နေကြရပါတယ်။

ဖေဖော်ဝါရီ ၇ ရက်နေ့ ညပိုင်းကလည်းနွားထိုးကြီး မြို့နယ်အနောက်တောင်ခြမ်းက ကျေးရွာကို စစ်တပ်က ပါရာ​မော်တာ(စက်တပ် လေထီး)နဲ့ သုံးကြိမ်ဗုံးကြဲခဲ့တာမို့အိမ်တလုံးမီး လောင်ပျက်စီးခဲ့တယ်လို့ ​ဒေသခံအချို့က​ပြောပါတယ်။

ဒါ့အပြင် ​ဖေ​ဖော်ဝါရီ ၁၀ ရက်​နေ့မှာလည်း မြို့သာကထွက်လာတဲ့စစ်ကြောင်းက လက်နက်ကြီးနဲ့ တော်ဝေးရွာထဲကို ပစ်တာကြောင့် ဒေသခံ အမျိုးသားတဦးထိခိုက်ဒဏ်ရာရကာ နွားနှစ် ကောင် သေဆုံးခဲ့ပါတယ်။

ဒါအပြင်ဖေဖော်ဝါရီလ ၁၀ရက်နေ့မှာလည်းခလမ်းရွာကို စစ်တပ်က ဒရုန်းနဲ့ မီးလောင်ဗုံးတွေချပြီးမီးရှို့ခဲ့တယ်လို့ ​ဒေသခံအချို့က​ပြောပါတယ်။