ဖေဖော်ဝါရီ – ၁၆ ၊၂၀၂၆ ၊ ဆိုင်းမင်း/People’s Spring
မန္တလေးတိုင်း ၊တောင်သာ – နွားထိုးကြီး လမ်းပိုင်းပေါ် က ပဲခင်းကျော်ရွာမှာ ပြီးခဲ့တဲ့ ရက်ပိုင်းတွေအတွင်း တိုက်ပွဲဖြစ်ပြီး စစ်ကောင်စီတပ်က ရွာကိုမီးတင်ရှို့သွားတယ်လို့ ဒေသတွင်းသတင်းရင်းမြစ်ဆီကသိရပါတယ်။
တောင်သာမြို့ အရှေ့ခြမ်းမှာရှိတဲ့ ပဲခင်းကျော်ရွာဆီ အင်အား ၂၀၀ ခန့်ပါတဲ့စစ်ကောင်စီတပ်စစ်ကြောင်းကဖေဖော်ဝါရီလ ၁၁ ရက်မှာဝင်ရောက် လာပြီးဖေဖော်ဝါရီ ၁၃ ရက်နဲ့ ၁၄ ရက်တွေမှာတော့ဒေသတွင်းတော် လှန်ရေးအဖွဲ့တွေနဲ့ တိုက်ပွဲတွေဖြစ်ခဲ့တာပါ။
“တိုက်ပွဲကပြင်းပြင်းထန်ထန်ကိုဖြစ်တာ၊ စကစဘက်က အလောင်းတစ်လောင်းရတယ်၊သွေးပေတဲ့ အဝတ်အစားတော်တော်များများလည်းရလိုက်တယ်”လို့ တောင်သာမြို့နယ်အတွင်းကသတင်းရင်းမြစ် တော် လှန်ရေးတပ်ဖွဲ့ဝင်တစ်ဦးကပြောပါတယ်။
Public Service Announcement
တိုက်ပွဲမှာ တော်လှန်ရေး တပ်ဖွဲ့ဘက်က တပ်ဖွဲ့ဝင်တစ်ဦးကျဆုံးခဲ့တယ်လို့ အဲဒီသတင်းရင်းမြစ်က အသိပေးပါတယ်။
ပဲခင်းကျော် ရွာမှာ အိမ်ခြေ၂၅၀ကျော်ရှိပြီး တစ်ရွာလုံးနီးပါးမီးရှို့ခံလိုက်ရပြီး ဒေသခံတွေရဲ့ ကောက်ပဲသီးနှံတွေပါ မီးရှို့သွားတာဖြစ်ပါတယ်။
ပဲခင်းကျော်ရွာဆီဝင်ခဲ့တဲ့ စစ်ကောင်စီတပ်စစ်ကြောင်းဟာ တောင်သာမြို့ပေါ် က ထွက်လာတာဖြစ်ပြီး လက်ရှိမှာတော့ မြို့ပေါ်ကို ပြန်လည် ရောက်ရှိသွားပါပြီ။ ပဲခင်းကျော်ရွာကတော့ တောင်သာမြို့ပေါ်နဲ့ လေးမိုင်ခန့်သာဝေးတာပါ။
တောင်သာမြို့နယ်လူထုလှုပ်ရှားမှုကော်မတီကလည်း ရွာက မူလတန်းကျောင်းနဲ့ ဘုန်းကြီးကျောင်း တို့မီးရှို့ခံရပြီး ၊ဘုန်းကြီးကျောင်းမှာစစ်ရှောင်ပြည်သူတွေထားတဲ့ မြေပဲ နဲ့ ပဲစိမ်းငုံ တွေကို စစ်ကောင်စီတပ်ကားနဲ့ တိုက်ယူသွားသလို ကျန်တဲ့ ပဲအိတ်တွေကိုလ ည်း မီးရှို့ခဲ့တယ်လို့ အသိ ပေးထားပါတယ်။
