ဖေဖော်ဝါရီ-၂၆၊ ၂၀၂၆။မေရီ/People’s Spring
မန္တလေးမြို့မှာ စည်ပင်အခွန်တွေတိုးကောက်ဖို့ စစ်ကောင်စီက စီစဥ်နေကြောင်း သတင်းရရှိပါတယ်။
စစ်ကောင်စီထိန်းချုပ်ထားတဲ့ မန္တလေးစည်ပင်ဟာ လာမယ့် ၂၀၂၆ – ၂၀၂၇ ဘဏ္ဍာရေးနှစ်ကစပြီး လုပ်ငန်းလိုင်စင်နဲ့ စီးပွားရေးအမှိုက်သိမ်းဆည်းခ (ဟိုတယ်/ ဆေးရုံ၊ ဆေးခန်း)တွေကို ခေတ်နဲ့လျော်ညီတဲ့ နှုန်းထားတွေ ပြောင်းလဲကောက်ခံသွားမယ်လို့ စည်ပင်ပိုင် မန္တလေးနေ့စဥ်သတင်းစာကနေ ကြေညာပါတယ်။
အခွန်နှုန်းတိုးမြှင့်လိုက်တာဟာ မြို့ပြစီမံကိန်းတွေ အကောင်အထည်ဖော်ဖို့ဆိုပြီး မန္တလေးစည်ပင်က အကြောင်းပြပါတယ်။
Public Service Announcement
မန်းစည်ပင်က အခွန်တိုးကောက်မှာကို မန္တလေးမြို့ခံလုပ်ငန်းရှင်တွေအများစု သိရှိခြင်းမရှိသေးဘူးလို့ ပြောပါတယ်။
“ အရင်ကတည်းက အခွန်ဆောင်ရတာ တစ်လ ၄ သိန်းလောက်ကျတယ်။ ခုကတော့ သူတို့လက်ထဲဆိုတော့ ဘာမှပြောမရဘူး” လို့ မန္တလေးမြို့က စားသောက်ဆိုင် လုပ်ငန်းရှင်တစ်ဦးက ပြောပါတယ်။
လုပ်ငန်းလိုင်စင်သက်တမ်းဟာ တစ်နှစ်ဖြစ်ပြီး လာမယ့် ဧပြီလ ၁ ရက်နေ့ကနေစပြီး အခွန်တိုးကောက်သွားမယ်လို့ မန်းစည်ပင်ရဲ့ထုတ်ပြန်ချက်အရ သိရပါတယ်။
အာဏာသိမ်းစစ်ကောင်စီလက်ထက် မန္တလေးမြို့အပါအဝင် ဒေသအသီးသီးက လုပ်ငန်းတွေဟာ ကုန်စျေးနှူန်းကြီးမြင့်တာ၊ ရောင်းအားကျတာ၊ လုပ်သားရှားပါတာတွေနဲ့ ရင်ဆိုင်နေရပါတယ်။
