မတ်-၁၆၊၂၀၂၆။မိုမို/People’s Spring
မကွေးတိုင်း၊ ပခုက္ကူမြို့နယ်အနောက်ခြမ်းမှာ စစ်ကောင်စီတပ်စစ်ကြောင်း တိုက်ခိုက်ခဲ့ရာ လက်နက်ခဲယမ်းအချို့ သိမ်းရတယ်လို့ ပြည်သူ့လွတ်မြောက်ရေးတပ်မတော်(PLA) တာဝန်ရှိသူက ပြောပါတယ်။
မနေ့က (မတ်လ ၁၅ ရက်)မနက်ပိုင်းက ပခုက္ကူမြို့နယ်အနောက်ခြမ်း ကန်တော်ကျေးရွာကနေ ညောင်ဂျစ်ပင်ကျေးရွာကို ထွက်လာတဲ့ အင်အား ၇၀ခန့်ပါစစ်ကြောင်းကို တိုက်ခဲ့တာလို့ ဆိုပါတယ်။
၄နာရီနီးပါးကြာမြင့်တဲ့ အဲဒီတိုက်ပွဲမှာ ပြည်သူ့လွတ်မြောက်ရေးတပ်မတော်(PLA)နဲ့ (MGYPDF၊ ကမ္မတပ်ပေါင်းစု၊ Pakokku Column)တို့က ကြားဖြတ်တိုက်ခိုက်မှုကနေ စစ်တပ် စစ်ကြောင်းဟာ ကန်တော်ကျေးရွာကို ဆုတ်ခွာသွားခဲ့တယ်လို့ အသိပေးပါတယ်။
Public Service Announcement
တိုက်ပွဲဖြစ်စဉ်အတွင်း စစ်ကောင်စီတပ်သား ၅ဦးသေဆုံးတာကို မျက်မြင်အတည်ပြုနိုင်ပြီး ထိခိုက်ဒဏ်ရာရရှိမူကို စိစစ်ဆဲလို့ PLAက ဆိုပါတယ်။
တိုက်ပွဲပြီးရှင်းလင်းရေးလုပ်ခဲ့ရာ စစ်တပ်စစ်ကြောင်းကနေ လက်နက်ခဲယမ်းအနည်းငယ် သိမ်းဆည်းရမိခဲ့တယ်လို့ သိရပါတယ်။
အဲဒီစစ်ကောင်စီတပ်စစ်ကြောင်းဟာ ကမ္မမြို့နယ်ရဲစခန်း၊ ကန်တော်ရွာစခန်းနဲ့ ညောင်ဂျစ်ပင်ကျေးရွာ ပျူစောထီးစခန်းတွေကို လှည့်လည်သွားလာနေတဲ့စစ်ကြောင်းဖြစ်ပါတယ်။
