စစ်တပ်လွှတ်​တော်​စတဲ့​နေ့မှာ နတ်တလင်းကို စစ်​ကြောင်းထိုးပြည်သူ ၃ဦးကိုသတ်၊အိမ်​တွေမီးရှို့

မတ်-၁၇၊ ၂၀၂၆။​ဒလပန်း/People’s Spring

စစ်တပ်လွှတ်​တော်​ခေါ်တဲ့​နေ့မှာပဲအာဏာသိမ်းစစ်တပ်စစ်တပ်ကပဲခူးတိုင်းအနောက်ခြမ်း၊နတ်တလင်းမြို့နယ်ကပြည်သူ သုံးဦးကိုသတ်ဖြတ်ပြီး​နေအိမ်​တွေကိုမီးရှို့ခဲ့တယ်လို့ဒေသခံတွေကပြောပါတယ်။

မတ်လ ၁၆ ရက် မနက် ၅ နာရီအချိန်မှာအင်အား ၁၀၀ နီးပါးပါတဲ့ စစ်တပ်စစ်ကြောင်းဟာ နတ်တလင်းမြို့နယ် ဖလံပင်ရွာကျေးရွာကိုစစ်​ကြောင်းထိုးဝင်ရောက် လာပြီးပြည်သူ​တွေကိုသတ်ဖြတ်ခဲ့တာပါ။

“စစ်ကြောင်းထိုးလာတာပါ။ အင်အား၁၀၀နီးပါး။ ဓမ္မငယ်ရွာမှာအထိုင်ချနေတဲ့ စစ်ကောင်စီတပ်ဖွဲ့ဝင်တွေ တက်လာတာပါ “လို့ ဒေသခံတစ်ဦးက ပြောပါတယ်။

Public Service Announcement

အဲ့ဒီနောက် စစ်သား​တွေကဖလံပင်ရွာနေ အသက်၄၈နှစ်အရွယ် ဦးဌေးအောင်၊ အသက်

၆၅နှစ်အရွယ် ဦးချစ်ထွန်း နဲ့ အသက်၆၅နှစ်အရွယ် ဒေါ်ခင်ရီ သုံးဦးကို ပစ်သတ်ခဲ့တယ်လို့ ဒေသခံတွေက​ပြောပါတယ်။

ဒါအပြင် သေဆုံးသွားတဲ့ ဦးဌေးအောင် ဇနီးအပါ

အဝင် တခြားမိသားစုဝင် ၄ ဦး စုစုပေါင်း ၅ ဦးကိုလည်းဖမ်းဆီးခဲ့ပါတယ်။

ဒါအပြင်ဖလံပင်ရွာထဲမှာရောက်နေတဲ့ စစ်သားတွေဟာမတ်လ၁၆ ရက်ညနေပိုင်းမှာ ရွာထဲက အိမ်တွေကို မီးရှို့ခဲ့တယ်ပါတယ်။

စစ်တပ်က နတ်တလင်းမြို့နယ်ထဲမှာပြည်သူ​တွေကို သတ်ဖြတ် ၊ဖမ်းဆီး ၊​နေအိမ်​တွေကိုမီးရှို့ ​တဲ့​နေ့မှာ စစ်တပ်က စိတ်တိုင်းကျလုပ်ထားတဲ့​ရွေး​ကောက်ပွဲရလဒ်အရ ​နေပြည်​တော်မှာစစ်တပ်လွှတ်​တော်စ​ခေါ်တဲ့​နေ့ဖြစ်ပါတယ် ။

စစ်တပ်စစ်ကြောင်းထိုးပြီး ပြည်သူကို သတ်ဖြတ်၊ဖမ်းဆီး ၊​နေအိမ်​တွေမီးရှို့နေတာကြောင့် နတ်တလင်းမြို့နယ်ထဲက ဖလံပင် ၊ ရှားစေးဖို၊ သရက်ပင်ကံရိုး၊ ငုတ်တရာနဲ့ ညောင်ဝိုင်းကျေးရွာက ဒေသခံပြည်သူ​တွေဟာ ဘေးလွတ်ရာကို ထွက်

ပြေးတိမ်းရှောင်နေကြရပါတယ်။