စစ်တပ်လွှတ်​တော်​ငါးရက်​မြောက်​နေ့မှာ ကသာမြို့ကစစ်ဘေးရှောင်​တွေခိုလှုံတဲ့ဘုန်းကြီးကျောင်းကို စစ်​ကောင်စီ ဗုံးကြဲ

မတ်-၂၀၊၂၀၂၆။အိမ်သွင်/People’s Spring

​နေပြည်​တော်မှာ စစ်တပ်လွှတ်​တော်​တွေလုပ်​နေတာ ၅ ရက်​မြောက်​နေ့မှာပဲ ကသာမြို့ကစစ်ဘေးရှောင်တွေ ခိုလှုံနေတဲ့ ဘုန်း ကြီးကျောင်းကို အာဏာသိမ်းစစ်တပ်က လေကြောင်းကနေ ဗုံးကြဲလို့ ထိခိုက်သေဆုံးမှုတွေ ရှိတယ်လို့​ဒေသခံအချို့က​ပြောပါတယ်။

ကသာမြို့၊ရပ်ကွက်(၃)ထဲက လေးထပ်ကျောင်းကို မတ်လ ၂၀ရက် နေ့လယ်မှာ လေကြောင်းကနေစစ်တပ်က ဗုံးကြဲသွားတာလို့ မြို့ခံတစ်ဦးကပြောပါတယ်။

“တချို့ ခေါင်းပြတ်သွားတယ်။ အခြေအနေ အရမ်းဆိုးတယ်။ အဲ့ကျောင်းက စစ်ရှောင်တွေနေတာပါ”လို့ ၎င်းက ပြောပါတယ်။

Public Service Announcement

စစ်တပ်က စိတ်တိုင်းကျစီစဥ်ထားတဲ့​ရွေး​ကောက်ပွဲလုပ်ပြီး စစ်တပ်လွှတ်​တော်​တွေကို မတ် ၁၆ ရက်ကစတင်ကျင်းပ​နေပါတယ်။စစ်တပ်လွှတ်​တော်​တွေလုပ်​နေ​ပေမယ့်စစ်အုပ်စုက ပြည်သူ​တွေကိုဗုံးကြဲတာ ၊စစ်​ကြောင်းထိုးအကြမ်းဖက်သတ်ဖြတ်တာ ၊​ပေါ်တာဆွဲတာ ​တွေကို ဆက်လက်ပြုလုပ်​နေတာဖြစ်ပါတယ် ။

ကသာမြို့က စစ်တပ် တပ်စွဲထားတဲ့နေရာတွေကို ဒီဇင်ဘာလ၂၈ရက်မနက်အစောပိုင်းမှာ ပြည်သူ့ကာကွယ်ရေးတပ်ဖွဲ့တွေကတိုက်ခိုက်ပြီး မြို့သိမ်းတိုက်ပွဲ ဖော်ဆောင်ခဲ့ပါတယ်။ စစ်တပ်က မြို့ကို ဗုံးကြဲလို့ ​တော်လှန်​ရေးတပ်​တွေက ပြန်ဆုတ်ခွာခဲ့ပါတယ်။ တိုက်ပွဲတွေမရှိတော့လို့ ဒေသခံတွေ မြို့ထဲကို ပြန်ဝင် နေချိန်မှာ စစ်ကောင်စီက ဗုံးကြဲတာပါ။

ဗုံးကြဲမှု​ကြောင့် ထိခိုက်မှူအခြေအနေကို အသေးစိတ်မသိရသေးပါဘူး။နောက်ထပ် လေကြောင်းတိုက်ခိုက်မယ့်သတင်းကြောင့် ဒေသခံတွေ စိုးရိမ်နေကြပါတယ်။

​ဗုံးကြဲခံရပြီး​ဘုန်းကြီးကျောင်းဟာဆိုးရွာစွာပျက်စီးသွားသလို ​​သေဆုံးသူ​တွေရဲ့ ခန္ဒာကိုယ်အစိတ်အပိုင်း​တွေ ၊​ ခန္ဒာကိုယ်ဆိုးဆိုးရွားရွာပျက်စီး​နေသူ​တွေ စသဖြင့်​သေဆုံးသူအများအပြားရှိတာကို သတင်းဓါတ်ပုံ​တွေထဲမှာ​တွေ့ရပါတယ် ။​သေဆုံးသူ​​တွေထဲမှာ က​လေးငယ်​လေး​တွေ ၊သံဃာ​တော် နဲ့ အမျိုးသမီး​တွေအများဆုံး​ပါဝင်တာကိုလည်း​တွေ့ရပါတယ် ။