ဧပြီ-၄၊၂၀၂၆။မိုမို၊ရောင်နီ/People’s Spring
ရန်ကုန်မြို့၊တောင်ဥက္ကလာပ မြို့နယ်မှာ ယာဥ်တိုက်ပြီးထွက်ပြေးတဲ့ ဘုန်ကြီးကားတစ်စီးကို ရပ်ကွက်နေ ပြည်သူတွေက ဝိုင်းဖမ်းခဲ့တယ်လို့ ဒေသခံတချို့က ပြောပါတယ်။
လမ်းဘေးရပ်ထားတဲ့ကားကိုတိုက်ပြီးမောင်းပြေးဖို့လုပ်နေစဥ် ရပ်ကွက်နေပြည်သူတွေကဘုန်းကြီးကားကိုဖမ်းဆီးစဥ်။ဓါတ်ပုံ-Screengrab လမ်းဘေးရပ်ထားတဲ့ကားကိုတိုက်ပြီးမောင်းပြေးဖို့လုပ်နေစဥ် ရပ်ကွက်နေပြည်သူတွေကဘုန်းကြီးကားကိုဖမ်းဆီးစဥ်။ဓါတ်ပုံ-Screengrab လမ်းဘေးရပ်ထားတဲ့ကားကိုတိုက်ပြီးမောင်းပြေးဖို့လုပ်နေစဥ် ရပ်ကွက်နေပြည်သူတွေကဘုန်းကြီးကားကိုဖမ်းဆီးစဥ်။ဓါတ်ပုံ-Screengrab
လူမှုကွန်ယက်မှာတွေ့ရတဲ့ ရုပ်သံဖိုင်အရဟွန်ဒါဖစ် အဖြူရောင် RLG(သာသနာယာဥ် တံဆိပ်)နဲ့ယာဥ်ဟာ ဧပြီ ၄ ရက် ည ၉ နာရီဝန်းကျင်မှာ တောင်ဥက္ကလာပ ၄ ရပ်ကွက် ဗြမ္မစိုရ်လမ်းထဲမှာ ရပ်ထားတဲ့ အနက်ရောင်အိမ်စီးကားတစ်စီးကို တိုက်ခဲ့တာတွေ့ရပါတယ်။တိုက်ပြီးဆက်လက်မောင်းနှင်သွားဖို့ကားထွက်စဥ် အနားကပြည်သူတွေကကားကိုတားဆီးခဲ့တာကိုတွေ့ရပါတယ်။
“တိုက်ပြီး ပြေးဖို့လုပ်တာ။အတိုက်ခံရတဲ့ ယာဥ်ပိုင်ရှင်ရော အနီးနားက လူတွေဝိုင်းတားကြတော့မှ ရပ်သွားတာ။မောင်းတဲ့သူက မူးနေပုံရတယ်”လို့ မျက်မြင်တွေ့ခဲ့သူက ပြောပါတယ်။
Public Service Announcement
တိုက်ခဲ့တဲ့ကားနဲ့ ကားပေါ်ပါတဲ့သူတွေကို ရပ်ကွက်ရုံး ရောက်နေတယ်လို့လည်း သူက အသိပေးပါတယ်။
“ဘုန်းကြီးကားကတော့ စကေးကြမ်းပါတယ်။ ပြိုင်ကားမောင်းလာတယ်ထင်လို့ ” လို့ ရပ်ကွက်နေပြည်သူတစ်ဦးကပြောပါတယ်။
“ဘုန်ကြီးနံပါတ်နဲ့ ကားတွေ အခုနောက်ပိုင်းတော်တော်ဆိုးတယ်။ဆီတန်းစီရင်လည်း ကြားကဖြတ်တယ်။ပြီးရင် မှန်ချပြီး တရားပွဲသွားရမှာမလို့ပါ။အရေးကြီးလို့ပါဆိုတော့ ပါးစပ်မှာလည်း ကွမ်းတပြစ်ပြစ်နဲ့။ဘာပြောလို့ ပြောရမှန်းတောင်မသိတော့ဘူး”လို့ ဖြစ်စဥ်ကို ကိုယ်တိုင်ကြုံတွေ့ခဲ့တဲ့ မရမ်းကုန်းမြို့ခံတစ်ဦးက ပြောပါတယ်။
ပြီးခဲ့တဲ့ရက်ပိုင်း မတ်လ ၂၉ ရက်က ပဲခူးတိုင်း အုတ်တွင်းမြို့နယ်မှာ ဘုန်ကြီးက အရက်မူးပြီး ကားအရှိန်နဲ့မောင်းလို့ ပြည်သူတစ်ဦးအတိုက်ခံခဲ့ရတာရှိခဲ့ပါတယ်။ အဲဒီကားပေါ်ကနေ ကွန်ဒုံးတွေ၊ ထောက်ခံစာ အတုတွေ နဲ့ ငွေစက္ကူတွေပါ တွေ့ရှိခဲ့တယ်လို့ မြို့နယ်သံဃနာယက ဆီကတဆင့် သိရပါတယ်။
