ဧပြီ-၁၈၊၂၀၂၆။တေဇ/People’s Spring
အမျိုးသားညီညွတ်ရေးအစိုးရ၊ကာကွယ်ရေးဝန်ကြီးဌာန၊အထူးလှုပ်ရှားတပ်မရဲ့ ကွပ်ကဲမှုအောက်မှာရှိတဲ့ မတ္တရာမျိုးမှန်တပ်ဖွဲ့ရဲ့ “ချေမှုန်းရေးမွမ်းမံသင်တန်း” သင်တန်းဆင်းပွဲကို လွတ်မြောက်နယ်မြေတနေရာမှာ ဧပြီ ၁၃ ရက်ကပြုလုပ်ခဲ့ပါတယ်။
ဒီသင်တန်းမှာ တက်ရောက်ခဲ့တဲ့ သင်တန်းသားရဲဘော်ရာနဲ့ချီတာကို ပြည်သူ့ကာကွယ်ရေးတပ်မတော်-မန္တလေး(အထူးလှုပ်ရှားတပ်မ) က ထုတ်ပြန်ထားတဲ့ ဓာတ်ပုံမှတ်တမ်းတွေအရ သိရပါတယ်။
ဒီပွဲမှာ နိုင်ငံတော်အလံလေးပြုတာ၊ မိတ်ဖက်အဖွဲ့အစည်းတွေက ပေးပို့လာတဲ့ သဝဏ်လွှာ တွေကို ဖတ်ကြားတာ၊ တက်ရောက်လာတဲ့ပြည်သူ့ကာကွယ်ရေးတပ်မတော် ၊ စစ်ရုံးချုပ်တာဝန်ရှိသူ တွေနဲ့ ဧည့်သည်တွေက အမှာစကားပြောကြားတာ၊ ထူးချွန်ဆုပေးတာ ၊ သင်တန်းဆင်းရဲဘော်တွေက စစ်ကြောင်းပုံစံ ချီတက်အလေးပြုတာနဲ့ နှင့် စစ်ကြောင်းအလိုက် သရုပ်ပြခြင်းအစီအစဉ်တွေကို ပြုလုပ်ခဲ့ပါတယ်။
Public Service Announcement
အထူးလှုပ်ရှားတပ်မ ၊ မတ္တရာမျိုးမှန်အဖွဲ့ရဲ့ “ချေမှုန်းရေးမွမ်းမံသင်တန်း” သင်တန်းဆင်းပွဲကို ပြည်သူ့ကာကွယ်ရေးတပ်မတော် ၊ စစ်ရုံးချုပ် မှ တာဝန်ရှိသူတွေ ၊ မန္တလေးတိုင်းစစ်ဌာန က ဒု-ကွပ်ကဲရေးမှူးနဲ့တာဝန်ရှိသူတွေ ၊ အမှတ်(၁)စစ်ဒေသ ကသာခရိုင်ကွပ်ကဲရေးမှူး၊ မတ္တရာမြို့နယ် ပြည်သူ့အုပ်ချုပ်ရေးအဖွဲ့က တာဝန်ရှိသူတွေနဲ့ ထီးချိုင့်မြို့နယ် ပြည်သူ့ကာကွယ်ရေးအဖွဲ့က တာဝန်ရှိသူတွေ တက်ရောက်ခဲ့ကြပါတယ်။
မတ္တရာမျိုးမှန်တပ်ဖွဲ့က မန္တလေးတိုင်း၊ မတ္တရာအခြေပြု ဒေသကာကွယ်ရေးတပ်တစ်ခု ဖြစ်ပြီး ရှမ်းမန်း စစ်ဆင်ရေး၊ ရှမ်းမန်းစစ်ဆင်ရေးအလွန် ခုခံစစ်တွေမှာ ကာကွယ်ရေးဝန်ကြီးဌာန၊ ပြည်သူ့ကာကွယ်ရေး တပ်မတော် တပ်ရင်းတပ်ဖွဲ့ တွေ ၊ပကဖ တွေနဲ့ အတူ တိုက်ပွဲဝင်နေတဲ့ တော်လှန်ရေးအဖွဲ့အစည်း ဖြစ်ပါတယ်။
ဒီအဖွဲ့က ပြည်သူ့ကာကွယ်ရေးတပ်မတော်ရဲ့ ကွပ်ကဲမှုအောက် ကို မတ်လ ၁၉ ရက်မှာစတင်ဝင်ရောက်ခဲ့တဲ့ အထူးလှုပ်ရှားတပ်မဖြစ်ပါတယ်။
