Connect with us

Hi, what are you looking for?

သတင်း

ဝါရာဇွပ်ပြည်သူ့စစ်ရဲ့ ကာကင်းအချို့ KIA သိမ်းရ

အာဏာသိမ်းစစ်ကောင်စီ လက်အောက်ခံ မင်းဇေသန့်ဦးဆောင်တဲ့ ဝါရာဇွပ်ပြည်သူ့စစ်ရဲ့ ကာကင်း စခန်းအချို့သိမ်းရကြောင်း ကချင်လွတ်လပ်ရေးတပ်မတော်(KIA) သတင်းပြန်ကြားရေးဌာန တာဝန်ခံ ဗိုလ်မှူးကြီးနော်ဘူက ပြောပါတယ်။

အထိုင်စခန်းသိမ်းနိုင်ဖို့ တိုက်ပွဲဝင်နေဟု KIA ပြော

ဧပြီ ၁၉၊ ၂၀၂၆။ ထားမြတ်/People’s Spring

အာဏာသိမ်းစစ်ကောင်စီ လက်အောက်ခံ မင်းဇေသန့်ဦးဆောင်တဲ့ ဝါရာဇွပ်ပြည်သူ့စစ်ရဲ့ ကာကင်း စခန်းအချို့သိမ်းရကြောင်း ကချင်လွတ်လပ်ရေးတပ်မတော်(KIA) သတင်းပြန်ကြားရေးဌာန တာဝန်ခံ ဗိုလ်မှူးကြီးနော်ဘူက ပြောပါတယ်။

ဧပြီ ၁၈ရက်က KIA တပ်မဟာ(၂)နယ်မြေ ဟူးကောင်းဒေသက စစ်ကောင်စီလက်အောက်ခံ ပြည်သူ့စစ်တပ်စွဲထားတဲ့ အွယ်လောနဲ့ ခလမ်ကောင့်စခန်းနေရာ ၂ခုကို သိမ်းပိုက်နိုင်ခဲ့ကြောင်း သတင်းတွေနဲ့ ပတ်သက်ပြီး မေးမြန်းမှု အပေါ် အခုလို ဖြေကြားတာပါ။

Public Service Announcement

Public Service Announcement

“လောလောဆယ် ကာကင်းနှစ်ခု သိမ်းတယ်ဆိုတာ ကြားရပါတယ်။ ဒါပေမဲ့ စခန်းအဆင့်ရှိတဲ့ သူတို့ ခြေကုတ်နေတဲ့ဟာတွေကိုတော့ တိုက်ပွဲဝင်နေတုန်းလို့ သူတို့ ပြောတာကို ကျနော် အတည်ပြုပြောပေးလို့ရပါတယ်”လို့ ဗိုလ်မှူးကြီးနော်ဘူက ပြောပါတယ်။

အဲဒီစစ်ဆင်ရေးကို KIA တပ်မဟာ(၂) တပ်ရင်း (၁၄)နဲ့ တပ်ရင်း(၂၀)တပ်ဖွဲ့ဝင်တွေ ပူးပေါင်း ပြီး တိုက်ခိုက်နေတာလို့ ကချင်စစ်ရေး သတင်းရင်းမြစ်က ပြောပါတယ်။တိုက်ပွဲဟာ တပ်ရင်း(၁၄)နယ်မြေ အတွင်းဖြစ်ပွားနေတာလို့ ပြောပြပါတယ်။

KIAပူးပေါင်းတပ်နဲ့ စစ်ကောင်စီတပ်တို့ဟာ ကချင်ပြည်နယ်၊ ဖားကန့်မြိုနယ်အတွင်းမှာလည်း လတ်တလော တိုက်ပွဲဖြစ်ပွားလျက်ရှိပါတယ်။

(ကချင်လွတ်လပ်ရေးတပ်မတော်(KIA) ရဲဘော်တစ်ဦးကို တွေ့ရစဉ်။ ဓာတ်ပုံ – CJ)

ဆက်စပ်သတင်းများ

သတင်း

အာဏာသိမ်းစစ်တပ်လက်အောက်ခံ ရှမ်းနီတပ် SNA က တပ်သား ၁ဦး ကချင်လွတ်လပ်ရေးတပ်မတော်(KIA)ထံ အလင်းဝင်လာကြောင်း ကချင်စစ်ရေးသတင်းရင်းမြစ်က အတည်ပြုပါတယ်။

သတင်း

ကချင်ပြည်နယ်၊ ဗန်းမော်မြို့မှာ တိုက်ပွဲတွေ ဆက်လက်ဖြစ်ပွားနေကြောင်း ကချင်လွတ်လပ်ရေးတပ်မတော်(KIA) သတင်းပြန်ကြားရေးဌာနရဲ့ နိုဝင်ဘာ ၇ရက် သတင်းဖော်ပြချက်မှာ အသိပေးထားပါတယ်။

သတင်း

ကချင်ပြည်နယ်၊ ဗန်းမော်မြို့နယ် စစ်တပ်ရဲ့ အမှတ်(၂၁) စစ်ဆင်ရေးကွပ်ကဲမှုဌာနချုပ်-စကခ(၂၁)ရဲ့ အနောက်ဘက်ခြမ်းမှာရှိတဲ့ မိုးစိန်းကျွန်းကို သိမ်းပိုက်နိုင်ဖို့ ကချင်လွတ်လပ်ရေးတပ်မတော်(KIA) ပူးပေါင်းတပ်က ထိုးစစ်ဆင်တိုက်ခိုက်နေကြောင်း KIA သတင်းပြန်ကြားရေးဌာနရဲ့ အောက်တိုဘာ ၂၈ရက် သတင်းဖော်ပြပါတယ်။

သတင်း

ကချင်ပြည်နယ်၊ ဗန်းမော်မြို့မှာ ကချင်လွတ်လပ်ရေးတပ်မတော်(KIA)နဲ့ စစ်တပ်တို့တိုက်ပွဲ ဆက်လက်ပြင်းထန်နေပြီး စစ်တပ်က ခလရ(၄၇)တပ်ရင်းဘက်ကို အလုံးအရင်းနဲ့ ထိုးစစ်ဆင်နေသလို KIA ပူးပေါင်းတပ်ကလည်း အမှတ်(၂၁)စစ်ဆင်ရေးကွပ်ကဲမှုဌာနချုပ်-စကခ(၂၁) ကို တန်ပြန်ထိုးစစ်ဆင် တိုက်ခိုက်နေတယ်လို့ စစ်ရေးသတင်းရင်းမြစ်က ပြောပါတယ်။

Facebook