Connect with us

Hi, what are you looking for?

သတင်း

ရွှေကူမြို့နယ်မှာ KIAပူးပေါင်းတပ်နဲ့ စစ်တပ် တိုက်ပွဲဆက်ဖြစ်

စစ်တပ်နဲ့နီးကပ်စွာ မနေဖို့၊ စစ်တပ်လက်နက်ခဲယမ်းရိက္ခာတွေ သယ်မပေးဖို့ ရွှေကူ KPDF သတိပေး

(စစ်တပ် မီးရှို့ဖျက်ဆီးထားတဲ့ ရွှေကူမြို့နယ်က ကျေးရွာတစ်ရွာကို လာရောက်စစ်ဆေးနေတဲ့ ရွှေကူPDFက ရဲဘော်တွေကို တွေ့ရစဉ်။ People Defense Force - ShweGu)

မေ-၄၊ ၂၀၂၆။ ထားမြတ်/People’s Spring

ကချင်ပြည်နယ်၊ ရွှေကူမြို့နယ်မှာ ဒီကနေ့ မေလ ၄ရက်မှာ တိုက်ပွဲဆက်လက်ဖြစ်ပွားခဲ့ကြောင်း ကချင်စစ်ရေးသတင်းရင်းမြစ်က ပြောပါတယ်။

စစ်တပ်က အင်အားအလုံးအရင်းနဲ့ စစ်ရေးလှုပ်ရှားလာလို့ တိုက်ပွဲဖြစ်ပွားနေတာလို့ ဆိုပါတယ်။ ရွှေကူမြို့နယ် ငအိုးဒေသကို ရောက်နေတဲ့ စစ်တပ်က ရွှေကူမြို့ကတဆင့် ဗန်းမော်မြို့ကိုစစ်ကူပို့ဖို့လုပ်ဆောင်နေတာလို့ သတင်းရင်းမြစ်က ပြောပါတယ်။ စစ်တပ်က အင်အားထောင်ချီစုဖွဲ့ စစ်ရေးလှုပ်ရှားလာလို့ တိုက်ပွဲတွေ ပြင်းထန်နိုင်ကြောင်းလည်း အသိပေးပါတယ်။

KIAနဲ့အတူ စစ်တပ်ကို တိုက်ခိုက်နေတဲ့ ရွှေကူ KPDFကလည်း လတ်တလော စစ်ရေးအခြေအနေတွေနဲ့ပတ်သက်ပြီး ပြည်သူသို့ ပန်ကြားချက်ကို ဒီကနေ့ မေလ ၄ရက်ညပိုင်းမှာ ထုတ်ပြန်ကြေညာပါတယ်။

Public Service Announcement

Public Service Announcement

ရွှေကူ KPDF တပ်ရင်း နယ်မြေအတွင်းရှိ ပြည်သူတွေအနေနဲ့ စစ်ရေးအခြေအနေအရ စစ်ကော်မရှင် (စကမ) စစ်ကြောင်းများ၊ ဂိတ်များ၊ ကာကင်းစခန်းများနဲ့ နီးကပ်စွာ သွားလာနေထိုင်ခြင်းမပြုဘဲ ရှောင်ရှားနေထိုင်ကြဖို့ သတိပေးပန်ကြားထားတာပါ။

စစ်တပ်စစ်ကြောင်းတွေ ၊ လက်နက် ခဲယမ်းတွေ၊ ရိက္ခာတွေကို သယ်ယူပို့ဆောင်ခြင်း မပြုလုပ်ဖို့လည်း ထုတ်ပြန်ထားပါတယ်။

ဒါ့အပြင် မဘိမ်း-မြစ်ဆုံ၊ ငါးအိုး-ရွှေကူ နယ်မြေများ၌ ကုန်းမြေ၌ဖြစ်စေ၊ ရေပြင်၌ဖြစ်စေ အသံကျယ်လောင်ဆူညံစွာ ထွက်ပေါ်နိုင်တဲ့ စက်ယန္တရား အသုံးပြု လုပ်ငန်းများကို ညနေ(၆)နာရီမှ နံနက်(၉)နာရီထိ ရပ်နားထားကြဖို့ အသိပေးပန်ကြားထားပါတယ်။

အသိပေးထုတ်ပြန်ချက်တွေ မလိုက်နာရင်နောက်ဆက်တွဲ ဖြစ်လာမယ့် ပြဿနာတွေ တာဝန်ယူဖြေရှင်းပေးမှာ မဟုတ်ဘူးလို့လည်းသတိပေးထားပါတယ်။

ဆက်စပ်သတင်းများ

သတင်း

စစ်ကြောင်း မိုင်းဆွဲခဲ့ရပြီးနောက် တဲကြီးရွာကို မီးဝင်ရှို့

သတင်း

တရုတ်စီမံကိန်းတွေရှိတဲ့ရခိုင်ပြည်နယ် ကျောက်ဖြူမြို့နယ်အတွင်းက တောင်မော်ဦးရေတပ်စခန်းဝန်းကျင်နဲ့ မင်းတက်တောင်လမ်းဆုံအနီး သိုင်းချောင်းဝန်းကျင်တို့မှာ စစ်တပ်စခန်း​တွေကို အာရက္ခတပ်တော်(AA)ကတိုက်ခိုက်​နေပြီး တိုက်ပွဲအပြင်းအထန်ဖြစ်ပွားနေကြတယ်လို့မြေပြင်သတင်းရင်းမြစ်တွေကပြောပါတယ်။

သတင်း

အာဏာသိမ်းစစ်တပ်လက်အောက်ခံ ရှမ်းနီတပ် SNA က တပ်သား ၁ဦး ကချင်လွတ်လပ်ရေးတပ်မတော်(KIA)ထံ အလင်းဝင်လာကြောင်း ကချင်စစ်ရေးသတင်းရင်းမြစ်က အတည်ပြုပါတယ်။

ဆောင်းပါး

"ရှေ့ဆောင် နွား ဖြောင့်ဖြောင့်သွားက နောက်နွား တစ်သိုက် ဖြောင့်ဖြောင့် လိုက်၏" တဲ့။

Facebook