'/%3E%3C/svg%3E){kind=small}
မေ-၂၀,၂၀၂၆။ဇော်ရမ်း/People’s Spring
ကချင်ပြည်နယ်၊ ဖားကန့်ဒေသမှာ မေလ ၁၉ရက် ညနေက ကချင်လွတ်လပ်ရေးတပ်မတော်(KIA)၊KPDF က ဒရုန်းနဲ့ဗုံးကြဲလို့ အာဏာသိမ်းစစ်တပ်ကစစ်သား ၄ဦး သေဆုံးခဲ့ပြီး စစ်ဘေးရှောင်တွေရဲ့ နေအိမ်တွေကို စစ်တပ်က မီးရှို့ဖျက်ဆီးနေတယ်လို့ ဒေသခံတွေက ပြောပါတယ်။
ဖားကန့်မြို့နယ်၊ ယူမာကျေးရွာအနီးက စစ်တပ် တပ်စွဲထားတဲ့မျောခြံကိုမေလ၁၉ရက်ညနေပိုင်းမှာ ဒရုန်းနဲ့ ဗုံးကြဲတိုက်ခိုက်ခဲ့တာ ဖြစ်ပါတယ်။ အဲဒီဖြစ်စဉ်မှာ စစ်ကောင်စီတပ်သား ၄ဦးသေဆုံးသွားတယ်လို့ ဒေသခံသတင်းရင်းမြစ်တွေက ပြောပါတယ်။
ညပိုင်းမှာတော့ မှော်ဝမ်းလေးရွာကို စစ်တပ်နဲ့ ရှမ်းနီ(SNA) ပူးပေါင်းတပ်တွေက မီးရှို့ဖျက်ဆီးလို့ နေအိမ်တွေပျက်စီးသွားတယ်လို့ ဒေသခံတွေက ပြောပါတယ်။
Public Service Announcement
“မှော်ဝမ်းလေးကစစ်တပ်တပ်စွဲထားတဲ့နေရာပါ။ ဒေသခံတွေ စစ်ရှောင်နေရတာလပေါင်းများစွာကြာနေပြီ။အိမ်တွေကိုလည်းဖောက်ထွင်းခိုးယူ
ထားတာရစရာမရှိဘူး။ အခုက မီးပါရှို့ပစ်တော့ အိမ်ပြန်ရင်တောင်နေစရာမရှိတော့ဘူး”လို့ စစ်ဘေးရှောင်တစ်ဦးက ပြောပါတယ်။
မှော်ဝမ်းလေးကျေးရွာကို KIA၊KPDF ပူးပေါင်းတပ်က မီးရှို့ဖျက်စီးတာလို့ စစ်တပ်ဝါဒဖြန့်ချိရေးလူမှုကွန်ယက်အကောင့်တွေက ရေးသားနေကြပါတယ်။
ဒေသခံတစ်ဦးက “ရွာတော်တော်များများမှာ စစ်
တပ်ကတပ်စွဲထားပြီးသားဖြစ်နေပြီ။ ရှမ်းနီတပ်တွေလည်း ထပ်ဝင်လာလို့ တိုက်ပွဲတွေဆက်ဖြစ်မယ့်အခြေအနေမှာရှိတယ်”လို့ ပြောပါတယ်။
ကာမိုင်း -ဖားကန့်လမ်းကနေလည်း စစ်တပ်စစ်
ကြောင်းတွေ ထပ်မံဝင်ရောက်လာတဲ့အတွက် ဒေသခံပြည်သူတွေအနေနဲ့ လုံခြုံရေး ပိုမိုသတိပြုကြဖို့ KIA၊KPDF က သတိပေးထားပါတယ်။
ဒါ့အပြင် ဖားကန့်မြို့နယ်က စစ်ရေးတင်းမာနေတဲ့ ကျေးရွာအချို့မှာလည်း ည ၇နာရီကနေ မနက် ၆နာရီအထိ ညမထွက်ရအမိန့်ကို KIA၊KPDF က ထုတ်ပြန်ထားတယ်လို့ ဒေသခံတွေက ပြောပါတယ်။
