'/%3E%3C/svg%3E){kind=small}
ဇွန် ၂၊ ၂၀၂၆။ ဇေအောင်/People’s Spring
စစ်ကိုင်းတိုင်း၊ ချောင်းဦးမြို့နယ်မှာ စစ်တပ်က ၂ရက်ဆက် စစ်ကြောင်းထိုးနေတာကြောင့် ကျေးရွာ ၈ ရွာထက်မနည်း တိမ်းရှောင်နေရပါတယ်။
မနေ့က ဇွန်လ ၁ ရက် မနက်ပိုင်းကစတင်ပြီး မုံရွာမြို့၊ အနောက်မြောက်တိုင်း စစ်ဌာနချုပ်နဲ့ မုံရွာ-မန္တလေးလမ်းတလျှောက်က မြပုလဲရွာ၊ ငါးယှန်ရွာ၊ နတ်ရေကန်ရွာနဲ့ ဂွေးပင်တောကျေးရွာ အထိုင်စခန်းတွေက စစ်ကောင်စီတပ်တွေပေါင်းပြီး ချောင်းဦးမြို့နယ်က ကျေးရွာတွေကို စစ်ကြောင်းထိုးခဲ့ကြောင်း ဒေသခံတွေက ပြောပါတယ်။
အဲဒီစစ်ကြောင်းကြောင့် ချောင်းဦးမြို့နယ်က ရွာတော်လေးရွာ၊ မှန်ချိုရွာ၊ ဆင်မြေရွာ၊ ငါးလုံးတင်ရွာ၊ မထိသာရွာ၊ မင်းခေါင်ရွာ၊ မင်းတည်ရွာနဲ့
Public Service Announcement
မကျည်းခွကျေးရွာတွေဟာ ထွက်ပြေးတိမ်းရှောင်နေရကြောင်း ဒေသခံတွေက ပြောပါတယ်။
အဆိုပါ စစ်ကြောင်းဟာ ဇွန် ၁ရက်က ဘလွေရွာက ပြည်သူတွေကို လူသားဒိုင်းအဖြစ် ဖမ်းဆီးပြီး ပြည်သူတွေရဲ့ပစ္စည်းတွေကိုလည်း ကား ၈ စီးနဲ့သယ်ဆောင်သွားကြောင်း ဒေသခံတစ်ဦးက ပြောပါတယ်။
“ပြည်သူတွေ လူသားဒိုင်းအဖြစ် ဖမ်းခံရတယ်ကြားတယ်။ မနေ့မနက်က မနက်စောစောထမင်းချက် ပြန်ကြတဲ့ ပြည်သူအများအပြား
အဖမ်းခံရတာ”လို့ အဆိုပါဒေသခံက ပြောပါတယ်။
အဲဒီစစ်ကြောင်းဟာ အင်အား ၂၅၀ ဝန်းကျင်ပါရှိပြီး ဒီကနေ့မနက်မှာ ချောင်းဦးမြို့နယ်၊ မှန်ချိုကျေးရွာ ဦးတည်စစ်ကြောင်း ထိုးနေကြောင်း သိရပါတယ်။
စစ်ကြောင်းထိုးနေလို့ မုံရွာ-မန္တလေးလမ်းကိုလည်း ယနေ့မနက်ပိုင်းအထိ ပိတ်ထားဆဲ ဖြစ်ကြောင်း ဒေသခံတွေဆီက သတင်းရရှိပါတယ်။
