ဇွန်-၈၊၂၀၂၆။သုည/People’s Spring
သြစတြေးလျနိုင်ငံ ဆစ်ဒနီမြို့မှာ ပြည်ပရောက် မြန်မာတွေ စုပေါင်းပြီး နိုင်ငံတော်ရဲ့အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ နိုင်ငံရေးအကျဥ်းသားတွေအားလုံး အမြန်ဆုံးလွတ်မြောက်ဖို့ တောင်းဆိုဆန္ဒပြမှု ဇွန်လ ၇ ရက်က ပြုလုပ်ခဲ့ပါတယ်။
သြစတြေးလျရောက် မြန်မာတွေက “Proof of Life” ၊ “အမေစု ကျန်းမာပါစေ” ၊ “အမေစုနဲ့တကွ နိုင်ငံရေးအကျဥ်းသားတွေအားလုံး အမြန်ဆုံးလွတ်မြောက်ပါစေ” စတဲ့ ကြွေးကြော်သံတွေနဲ့ ဆန္ဒထုတ်ဖော်ခဲ့ကြပါတယ်။
ဒါ့အပြင် ဒေါ်အောင်ဆန်းစုကြည်ရဲ့ (၈၁) နှစ်မြောက်မွေးနေ့အတွက် “81 for 81 Challenge” အဖြစ် (၈.၁) ကီလိုမီတာပြေးခြင်း၊ လမ်းလျှောက်ခြင်း တို့ကို ပြုလုပ်ခဲ့ပြီး ဆရာမ မသီတာ(စမ်းချောင်း)နဲ့ ဒေါက်တာမြင့်မိုရ်ဦး တို့လည်း ပူးပေါင်းပါဝင်ခဲ့ကြပါတယ်။
Public Service Announcement
“81 for 81 Challenge” ဟာ ဒေါ်အောင်ဆန်းစုကြည်ရဲ့ (၈၁) နှစ်ပြည့်မွေးနေ့ကို ဂုဏ်ပြုရင်း သူမရဲ့ အခြေအနေကို နိုင်ငံတကာအသိုင်းအဝိုင်းက ဆက်လက် အာရုံစိုက်နေစေဖို့ ရည်ရွယ်တဲ့ Global Proof of Life Challenge ရဲ့ အစိတ်အပိုင်းတခု ဖြစ်ကြောင်း သြစတြေးလျရောက် မြန်မာတွေက ဆိုပါတယ်။
https://www.facebook.com/reel/1641388656922586
ရုပ်သံ – Proof of Life for Amay Su- Sydney
