ဇွန်-၉၊၂၀၂၆။သုည/People’s Spring
အမေရိကန်ပြည်ထောင်စု နယူးယောက်ပြည်နယ် ဘတ်ဖလိုမြို့မှာ ပြည်ပရောက် မြန်မာတွေ စုပေါင်းပြီး ဇွန် ၁၉ ရက်မှာ ကျရောက်မယ့် လူထုခေါင်းဆောင် ဒေါ်အောင်ဆန်းစုကြည်ရဲ့ အသက် (၈၁)နှစ်ပြည့် မွေးနေ့အကြိုဆုတောင်းပွဲကို ဇွန် ၆ ရက်က ကျင်းပပြုလုပ်ခဲ့ပါတယ်။
အမေရိကန်ရောက် မြန်မာတွေက “ဒေါ်အောင်ဆန်းစုကြည် သက်ရှည်ကျန်းမာပါစေ” လို့ ဆုတောင်းခဲ့ကြပြီး ဒေါ်အောင်ဆန်းစုကြည်နဲ့တကွ နိုင်ငံရေးအကျဥ်းသားတွေ အားလုံး အမြန်ဆုံးလွတ်မြောက်စေဖို့ကိုလည်း ဆန္ဒထုတ်ဖော်ခဲ့ပါတယ်။
ဒါ့အပြင် “Proof of Life” စာသားနဲ့ ဒေါ်အောင်ဆန်းစုကြည် ရုပ်ပုံတွေ ကိုင်ဆောင်ပြီး ဒေါ်အောင်ဆန်းစုကြည် သက်ရှိထင်ရှားရှိနေကြောင်း သက်သေပြဖို့ စစ်အာဏာရှင်ကို တိုက်တွန်းတဲ့ “Proof Of Life Campaign” ကိုလည်း လုပ်ဆောင်ခဲ့ကြပါတယ်။
Public Service Announcement
ဓာတ်ပုံ – CJ
