မြောင်မှာ စစ်တပ် လေကြောင်းတိုက်ခိုက်လို့ ပြည်သူ ၁ဦး သေဆုံး၊ ၇ ဦး ဒဏ်ရာရ

ဇွန် ၁၀၊ ၂၀၂၆။ဟာနာဆန်/People’s Spring

စစ်ကိုင်းတိုင်း၊ မြောင်မြို့နယ်မှာ အာဏာသိမ်းစစ်တပ်က လေကြောင်းကနေ ဗုံးကြဲတိုက်ခိုက်လို့ ပြည်သူ ၁ဦးသေဆုံးကာ ၇ ဦး ဒဏ်ရာရခဲ့ပါတယ်။

ဒီကနေ့ ဇွန် ၁၀ ရက် မနက် ၁၁ နာရီဝန်းကျင်က ​မြောင်မြို့နယ်၊ ပေါက်တောကျေးရွာကို အာဏာသိမ်းစစ်တပ်က တိုက်ပွဲဖြစ်ပွားခြင်းမရှိဘဲ ဂျက်ဖိုက်တာ ၁စီးနဲ့ လေကြောင်းတိုက်ခိုက်သွားကြောင်း ဒေသခံတွေက ပြောပါတယ်။

“ပြည်သူ ၇ ယောက်အထိအခိုက်ရှိပါတယ်။ သေဆုံးသူ ၁ ယောက်ရှိပါတယ်”လို့ မြောင်မြို့နယ် T. G. R. သတင်းမှန် ပြန်ကြားရေးအဖွဲ့ တာဝန်ရှိသူက ပြောပါတယ်။

Public Service Announcement

ထိခိုက်သေဆုံးသူတွေရဲ့ အသေးစိတ်အချက်အလက်တွေတော့ မသိရသေးပါဘူး။

အာဏာသိမ်းစစ်တပ်ဟာ မြောင်နယ်နဲ့စပ်ဆက်နေတဲ့ ချောင်းဦးမြို့နယ်ကို စစ်ကြောင်းထိုးနေပြီး ရေစကြို- ချောင်းဦးလမ်းကို စိုးမိုးနိုင်ဖို့ ကြိုးစားနေတယ်လို့ ဒေသခံတွေက ပြောပါတယ်။

ပြီးခဲတဲ့ ဖေဖော်ဝါရီနဲ့ မတ်လအတွင်းကလည်း မြောင်မြို့နယ်က ကျေးရွာတွေကို စစ်တပ်က လေကြောင်းတိုက်ခိုက်လို့ ပြည်သူထိခိုက်သေဆုံးမှုတွေရှိခဲ့ပါသေးတယ်။